নগাঁও, 28 অক্টোবৰ : নগাঁৱত পুনৰ গুলীচালনা ৷ পুনৰ নগাঁও আৰক্ষীৰ গুলীত আহত হৈছে এটা ড্ৰাগছ মাফিয়া ৷ শুক্ৰবাৰে পুৱতি নিশা নগাঁও আৰু বটদ্ৰৱা আৰক্ষীৰ এটা দলে হোজাই জিলাৰ পৰা আটক কৰিবলৈ সক্ষম হয় ড্ৰাগছ মাফিয়া চিৰাজুল ইছলামক ।
তাৰ পাচতে তদন্তৰ খাতিৰত চিৰাজুলক লগত লৈ আৰক্ষীৰ দলটোৱে অভিযান চলাই চিৰাজুলৰ কদমণিস্থিত বাসগৃহত । আৰক্ষীৰ এই অভিযানৰ সময়তেই আৰক্ষীৰ চকুত ধূলি দি পলায়নৰ চেষ্টা কৰে ড্ৰাগছ মাফিয়া চিৰাজুল ইছলামে । লগে লগে আৰক্ষীয়ে ড্ৰাগছ মাফিয়া চিৰাজুলক লক্ষ্য কৰি গুলীচালনা কৰে ।
নগাঁৱত পুনৰ আৰক্ষীৰ গুলীচালনা
আৰক্ষীৰ গুলীত গুৰুতৰভাৱে আহত হয় ড্ৰাগছ মাফিয়া চিৰাজুল । আহত চিৰাজুলক লগে লগে নগাঁও ভোগেশ্বৰী ফুকননী অসামৰিক চিকিৎসালয়ত ভৰ্তি কৰা হয় ৷ ড্ৰাগছ মাফিয়া চিৰাজুলৰ অৱস্থা কিছু সংকটজনক হোৱাত উন্নত চিকিৎসাৰ বাবে প্ৰেৰণ কৰা হয় গুৱাহাটীলৈ ।