নগাঁও, 14 জানুৱাৰী: ভোগালী বিহুৰ আনন্দ উল্লাহৰ মাজতেই নগাঁৱত পোহৰলৈ আহিছে এক চাঞ্চল্যকৰ হত্যাকাণ্ডৰ ঘটনা। বিহুৰ দিনটোতেই নগাঁৱৰ জাজৰীৰ ন সত্ৰত মাটিৰ তলত পুতি থোৱা অৱস্থাত এগৰাকী মহিলাৰ মৃতদেহ উদ্ধাৰ হোৱাক লৈ অঞ্চলটোত সৃষ্টি হৈছে ব্যাপক চাঞ্চল্যৰ।
বৃহস্পতিবাৰে পুৱাই মৃতদেহটোৰ কিছু অংশ মাটিৰ ওপৰত প্ৰত্যক্ষ কৰি স্থানীয় লোকে আৰক্ষীক খবৰ দিয়ে। পিছত ঘটনাস্থলীত জাজৰী আৰক্ষী উপস্থিত হৈ মাটি খান্দি উদ্ধাৰ কৰে মহিলাগৰাকীৰ মৃতদেহ। উদ্ধাৰ হোৱা মৃতদেহটো ন সত্ৰৰ কিৰণ কলিতাৰ পত্নী বুলি চিনাক্ত হৈছে ।