পথৰ দাঁতিত কোনে এৰি থৈ গ'ল দুটি সন্তানক?

নগাঁৱৰ বাইপাছত উদ্ধাৰ দুটি কণমানি। স্থানীয় লোকে কণমানি দুটাক উদ্ধাৰ কৰি চাইল্ড লাইনক গতাই দিয়ে ।

নগাঁও,৯জুলাই : মঙলবাৰে নগাঁৱৰ বাইপাছত সংঘটিত হয় এক হৃদয়বিদাৰক ঘটনা । পুৱাই বাইপাছৰ পথৰ দাঁতিত উদ্ধাৰ হয় দুটি কণমানি। স্থানীয় লোকে পথৰ দাঁতিত অসহায় অৱস্থাত প্ৰত্যক্ষ কৰে শিশু দুটিক। কোনো হৃদয়হীন পিতৃয়ে দুই কণমানিক পথৰ দাঁতিত এৰি যোৱাৰ সন্দেহ স্থানীয় লোকৰ । কণমানি দুটাই স্পষ্টকৈ নিজৰ পৰিচয় দিব পৰা নাই যদিও কণমানি দুটাৰ ঘৰ বাগৰিত বুলি সাংবাদিকৰ আগত প্ৰকাশ কৰিছে। পথৰ দাঁতিত উদ্ধাৰ হোৱা কণমানি দুটিক স্থানীয় লোকে খাদ্য যোগান ধৰি চাইল্ড লাইনক গতাই দিয়ে ।