তিৱা পৰিষদীয় নিৰ্বাচনৰ বাবে সাজু নগাঁও জিলা প্ৰশাসন

বৃহস্পতিবাৰে অনুষ্ঠিত হ’বলগীয়া তিৱা পৰিষদীয় নিৰ্বাচনক লৈ সাজু নগাঁও জিলা প্ৰশাসন ৷ নিজ নিজ ভোটকেন্দ্ৰলৈ ইতিমধ্যে ৰাওনা হৈছে প’লিং, প্ৰিজাইডিং বিষয়াসকল ৷

নগাঁও,16 ডিচেম্বৰ: বৃহস্পতিবাৰে অনুষ্ঠিত হ’ব তিৱা স্বায়ত্ব শাসিত পৰিষদৰ নিৰ্বাচন ৷ কাইলৈ অনুষ্ঠিত হ’বলগীয়া পৰিষদীয় নিৰ্বাচনক লৈ ইতিমধ্যে সাজু হৈছে নগাঁও জিলা প্ৰশাসন ৷ নিজ নিজ ভোটকেন্দ্ৰলৈ ৰাওনা হৈছে প’লিং, প্ৰিজাইডিং বিষয়াসকল ৷ নগাঁৱৰ 10 টা পৰিষদীয় সমষ্টিৰ 101 টা ভোটকেন্দ্ৰৰ বাবে ৮৭ গৰাকী প্ৰিজাইডিং আৰু ৩৯৮ গৰাকী পলিং বিষয়া নিয়োগ কৰা হৈছে ।

উল্লেখ্য যে, বৃহস্পতিবাৰৰ এই ভোটগ্ৰহণত ৩৮ গৰাকীকৈ প্ৰাৰ্থীৰ ভাগ্য নিৰ্ণয় কৰিব ৮০ হাজাৰ ২৪২ গৰাকী ভোটাৰে। নগাঁৱৰ ১৭ টা স্পৰ্শকাতৰ আৰু ৩৩ টা অতি স্পৰ্শকাতৰ ভোটকেন্দ্ৰৰ বাবে কটকটীয়া নিৰাপত্তাৰ ব্যৱস্থা কৰা বুলি জনায় নগাঁও জিলাৰ অতিৰিক্ত আৰক্ষী অধীক্ষক মোহনলাল মীনাই ৷

লগতে পঢ়ক-কাইলৈ তিৱা স্বায়ত্ত শাসিত পৰিষদৰ নিৰ্বাচন : সাজু প্ৰশাসন