নগাঁৱত পথ দুৰ্ঘটনাক কেন্দ্ৰ কৰি উত্তপ্ত পৰিস্থিতি

পথ দুর্ঘটনাক কেন্দ্ৰ কৰি উত্তপ্ত হৈছে নগাঁৱৰ বৰভেটিৰ পৰিস্থিতি ৷ তীব্ৰবেগী চুইফট ডিজায়াৰৰ খুন্দাত নিহত পথচাৰী ৷ দুর্ঘটনাটোক কেন্দ্ৰ কৰি বৰভেটি অঞ্চলত উত্তপ্ত পৰিস্থিতিৰ সৃষ্টি ৷

26 আগষ্ট,নগাঁও: এক পথ দুর্ঘটনাক কেন্দ্ৰ কৰি উত্তপ্ত হৈছে নগাঁৱৰ বৰভেটিৰ পৰিস্থিতি ৷ এখন তীব্ৰবেগী চুইফট ডিজায়াৰৰ খুন্দাত এজন পথচাৰী নিহত হোৱাৰ পিচতেই সৃষ্টি হয় উত্তপ্ত পৰিস্থিতিৰ। নগাঁও অভিমুখে আহি থকা অৱস্থাত AS-01BK-5064 নম্বৰৰ চুইফ'ট ডিজায়াৰ খনে চন্দ্ৰপুৰ নলতলী পথত কৃষ্ণ দে নামৰ পথচাৰীজনক খুন্দিয়ায় ৷ ফলত থিতাতে নিহত হয় বৰভেটিৰ কৃষ্ণ দে' নামৰ লোকজন ৷ দুৰ্ঘটনা সংঘটিত কৰিয়েই পলায়নৰ চেষ্টা কৰা চুইফট ডিজায়াৰৰ চালকজনক ৰাইজে আটক কৰিবলৈ সক্ষম হোৱাৰ লগতে ক্ষুব্ধ ৰাইজে পথৰ দাঁতিত বগৰাই দিয়ে দুর্ঘটনা সংঘটিত কৰা বাহনখন ৷ সম্প্ৰতি দুর্ঘটনাটোক কেন্দ্ৰ কৰি বৰভেটি অঞ্চলত উত্তপ্ত পৰিস্থিতিৰ সৃষ্টি হৈছে৷