নগাঁও, 17 আগষ্টঃনগাঁও কঠিয়াতলীৰ টুবুকী গ্ৰান্টত সোমবাৰে পুৱতি নিশা সংঘটিত হয় লোমহৰ্ষক হত্যাকাণ্ড । টুবুকী গ্ৰান্টৰ জোচনাৰা বেগম (৪০) নামৰ এগৰাকী মহিলাক শোৱা পাটিতে হত্যা কৰি থৈ যায় দুৰ্বৃত্তই । খবৰ অনুসৰি, সোমবাৰে পুৱতি নিশা মৃত জোচনাৰা বেগমৰ বাসগৃহৰ বেৰ ভাঙি ঘৰৰ ভিতৰত প্ৰৱেশ কৰা চাৰিজনীয়া দুৰ্বৃত্তৰ এটা দলে জোচনাৰা বেগমক ঘপিয়াই হত্যা কৰে । আনকি মহিলা গৰাকীক হত্যা কৰি তেওঁৰ দহ বছৰীয়া সন্তানকো ভাবুকি প্ৰদান কৰি দুৰ্বৃত্তৰ দলটো সেই স্থানৰ পৰা আতৰি যায় । ইয়াৰ পিছতেই হত্যাকাণ্ড সংঘটিত কৰি দুৰ্বৃত্তৰ দলটোৱে কিছু দূৰত থকা মৃত জোচনাৰা বেগমৰ ভাতৃ আব্দুল ছাহিদৰ ঘৰৰ সন্মুখলৈ আহি ছাহিদৰ ঘৰলৈ তিনি জাই গুলি নিক্ষেপ কৰে আৰু তাৰ পৰা আতৰি যায় ।
নগাঁৱৰ কঠিয়াতলীত দহ বছৰীয়া কন্যাৰ সন্মুখত হত্যা মাতৃক