প্ৰাক্তন ৰাষ্ট্ৰীয় বাস্কেটবল খেলুৱৈ মোজাহিদ আহমেদ শইকীয়াৰ দেহাৱসান

অসম বাস্কেটবল সন্থাৰ সম্পাদক তথা প্ৰাক্তন ৰাষ্ট্ৰীয় বাস্কেটবল খেলুৱৈ মোজাহিদ আহমেদ শইকীয়া (Mujahid Ahmed saikia)ৰ পৰলোকপ্ৰাপ্তি । দেওবাৰে পুৱতি নিশা গুৱাহাটী চিকিৎসা মহাবিদ্যালয় হাস্পতালত শেষ নিশ্বাস ত্যাগ কৰে খেলুৱৈগৰাকীয়ে।

চামগুৰি, ৭ জুন: চিৰবিদায় মাগিলে প্ৰাক্তন ৰাষ্ট্ৰীয় বাস্কেটবল খেলুৱৈ, ৰাজ্যিক ক্ৰীড়া আৰু যুৱ কল্যাণ সঞ্চালকালয়ৰ অৱসৰপ্ৰাপ্ত প্ৰশিক্ষক মোজাহিদ আহমেদ শইকীয়া (Mujahid Ahmed saikia)ই । শাৰীৰিকভাৱে অসুস্থ হোৱাৰ পিছতে তেওঁক গুৱাহাটী চিকিৎসা মহাবিদ্যালয় হাস্পতাল (GMCH)ত ভৰ্তি কৰোৱা হৈছিল ।

মোজাহিদ আহমেদ শইকীয়াৰ পৰলোকপ্ৰাপ্তি

চিকিৎসাধীন অৱস্থাতে দেওবাৰে পুৱতি নিশা তেওঁ শেষ নিশ্বাস ত্যাগ কৰে । মোজাহিদ আহমেদ শইকীয়া (Mujahid Ahmed saikia) অসম বাস্কেটবল সন্থাৰ সম্পাদক আছিল । নগাঁও চহৰৰ এম ডি ৰোডৰ শইকীয়া মাৰ্কেট নিবাসী মোজাহিদ আহমেদ শইকীয়া কিছুদিন পূৰ্বে কৰ'ণা (Corona)ত আক্ৰান্ত হৈছিল ।

তেওঁ আৰোগ্য লাভ কৰিছিল যদিও শ্বাস-প্ৰশ্বাসজনিত সমস্যাত ভূগি আছিল । অৱশেষত তেওঁ ইহলীলা সম্বৰণ কৰে । মোজাহিদ আহমেদ শইকীয়া (Mujahid Ahmed saikia)ৰ মৃত্যুৰ বাতৰিয়ে শোকবিহ্বল কৰি তুলিছে ক্ৰীড়া জগতৰে জড়িত প্ৰতিগৰাকী ব্যক্তিকে ।

লগতে পঢ়ক:মৰাণৰ এটা ব্যতিক্ৰমী ক'ভিড কেয়াৰ কেন্দ্ৰ