অসম আৰক্ষী জোৱান নৱজিৎ দাসলৈ মিষ্টাৰ আছাম খিতাপ

নগাঁৱত অনুষ্ঠিত সদৌ অসম ভিত্তিত দেহশ্ৰী প্ৰতিযোগিতাত অসম আৰক্ষী জোৱান নৱজিৎ দাস আৰু কামৰূপৰ ছবিতা বণিয়াক ক্ৰমে মিষ্টাৰ আৰু মিছ আছামৰ খিতাপ প্ৰদান ৷ প্ৰতিযোগিতাখনিত 300ৰো অধিক প্ৰতিযোগীয়ে অংশগ্ৰহণ কৰে ।

নগাঁও,11 জানুৱাৰী : সফলভাৱে সামৰণি পৰিল নগাঁৱত অনুষ্ঠিত সদৌ অসম ভিত্তিত দেহশ্ৰী প্ৰতিযোগিতাৰ । অসম আৰক্ষী জোৱান নৱজিৎ দাস আৰু কামৰূপৰ ছবিতা বণিয়াই লাভ কৰে ক্ৰমে মিষ্টাৰ আৰু মিছ আছামৰ খিতাপ ।

অসম আৰক্ষী জোৱান নৱজিৎ দাসলৈ মি. আছাম খিতাপ প্ৰদান

নগাঁৱৰ কলঙৰ বাকৰি নেহেৰুৱালীত অনুষ্ঠিত হোৱা 48 তম সদৌ অসম দেহশ্ৰী প্ৰতিযোগিতাৰ দেওবাৰে মাজনিশা সামৰণি পৰে ৷ আইবিবিএফৰ অধীনত পুৰুষ আৰু মহিলা দুয়োটা শাখাতে দুদিনীয়াকৈ অনুষ্ঠিত হয় এই প্ৰতিযোগিতাখনি ৷

মুঠ 7 টা পৰ্য়ায়ত অনুষ্ঠিত হোৱা প্ৰতিযোগিতাখনিত 300ৰো অধিক প্ৰতিযোগীয়ে অংশগ্ৰহণ কৰে । বিভিন্ন পৰ্যায়ত খিতাপ অর্জন কৰা প্ৰতিযোগী ৰাষ্ট্ৰীয় পৰ্যায়ৰ প্ৰতিযোগিতাত অংশগ্ৰহণৰ বাবেও মনোনীত হয় ।

লগতে পঢ়ক :আকাশলংঘী মূল‍্যবৃদ্ধি স্বত্বেও ভোগালীৰ বজাৰত গ্ৰাহকৰ ভিৰ