Municipal election 2022 : ঘৰৰ সন্মুখত BJPৰ পতাকা, হৃদয়ত কংগ্ৰেছ: প্ৰদ্যুৎ বৰদলৈ

পৌৰসভাৰ নিৰ্বাচনৰ প্ৰচাৰৰ অন্ত পৰিবলৈ মাজত মাত্ৰ কেইটিমান মূহুৰ্ত । অন্তিম নিৰ্বাচনী প্ৰচাৰত ব্যস্ত ৰাজনৈতিক দলৰ নেতা-কৰ্মী । নগাঁও পৌৰ সভা এলেকাত ঘৰে ঘৰে প্ৰচাৰ অভিযানত নামিছে নগাঁৱৰ কংগ্ৰেছ সাংসদ প্ৰদ্যুৎ বৰদলৈ (MP Pradyut Bordoloi door-to-door campaign in Nagaon municipal area) ।

নগাঁও,০৪ মাৰ্চ:পৌৰ সভা নিৰ্বাচনক লৈ তৎপৰ হৈ পৰিছে ৰাজনৈতিক দলসমূহ । শাসকীয় বিজেপি দলৰ সমান্তৰালকৈ বিৰোধী কংগ্ৰেছেও পৌৰ সভা দখলৰ চেষ্টা অব্যাহত ৰাখিছে । নগাঁও পৌৰ সভা এলেকাত ঘৰে ঘৰে প্ৰচাৰ অভিযানত নামিছে নগাঁৱৰ কংগ্ৰেছ সাংসদ প্ৰদ্যুৎ বৰদলৈয়ে (MP Pradyut Bordoloi door-to-door campaign in Nagaon) । নিজৰ সংসদীয় সমষ্টিৰ অন্তৰ্গত ৯ টাকৈ পৌৰ সভাত বিগত কিছুদিন ধৰি ব্যাপক নিৰ্বাচনী প্ৰচাৰ অব্যাহত ৰাখিছে সাংসদ প্ৰদ্যুৎ বৰদলৈয়ে ।

মৰিগাঁও, জাগীৰোড, হোজাই, নগাঁৱকে ধৰি নিৰ্বাচন অনুষ্ঠিত হবলগীয়া নগাঁও লোকসভা সমষ্টিৰ অন্তৰ্গত ৯ পৌৰ সভা নিৰ্বাচনৰ প্ৰচাৰত ব্যস্ত হৈ পৰিল সাংসদ প্ৰদ্যুৎ বৰদলৈ । নগাঁও পৌৰসভা এলেকাতো কংগ্ৰেছ প্ৰাৰ্থীৰ হৈ প্ৰচাৰ অব্যাহত ৰাখিছে সাংসদ প্ৰদ্যুৎ বৰদলৈয়ে ।

নগাঁও পৌৰসভা এলেকাৰ বহু ভোটাৰৰ ঘৰে ঘৰে উপস্থিত হৈ দলীয় প্ৰাৰ্থীৰ হৈ ভোট বিচাৰে সাংসদ প্ৰদ্যুৎ বৰদলৈয়ে । পৌৰ সভা নৰ্বাচনী প্ৰচাৰৰ অন্ত পৰাৰ প্ৰাকমুহূৰ্তত নিৰ্বাচনী প্ৰচাৰ চলাই শাসকীয় বিজেপিৰ বিৰুদ্ধে বহুকেইটা বিস্ফোৰক মন্তব্য কৰে সাংসদ প্ৰদ্যুৎ বৰদলৈয়ে ।

বিজেপি গুণ্ডামি ৰাজনীতিত সিদ্ধহস্ত বুলি অভিযোগ উত্থাপন কৰি শাসকীয় দলটোৱে ভয় ভাবুকিৰে পৌৰ সভা দখলৰ চেষ্টা চলোৱা বুলিও অভিযোগ উত্থাপন কৰে বিৰোধী দল কংগ্ৰেছৰ সাংসদ প্ৰদ্যুৎ বৰদলৈয়ে । বহু লোকে ঘৰৰ সন্মুখত বিজেপিৰ পতাকা আঁৰি ৰাখিলেও মনুহৰ হৃদয়ত কংগ্ৰেছ আছে বুলিও মন্তব্য কৰে সাংসদ প্ৰদ্যুৎ বৰদলৈয়ে ।

ইপিনে নগাঁও পৌৰসভা দখলৰ বাবে বিজেপি মিত্ৰজোঁটেও তৎপৰতা অব্যাহত ৰাখিছে । বিজেপি, অগপ মিত্ৰজোঁটৰ হৈ মন্ত্ৰী অশোক সিংঘালে প্ৰচাৰ চলাই যোৱাৰ পিছত মন্ত্ৰী কেশৱ মহন্তয়ো চলায় প্ৰচাৰ । ইপিনে স্থানীয় বিধায়ক ৰূপক শৰ্মাই দৈনিক প্ৰচাৰ অভিযান অব্যাহত ৰাখিছে নগাঁও পৌৰ সভা দখলৰ বাবে ।

লগতে পঢ়ক:Assam civic poll : নগাঁৱত নিশাও নিৰ্বাচনী প্ৰচাৰ বিজেপিৰ