সংখ্যালঘূৰ ভোটেৰেই সাংসদ হৈছিল গৌৰৱ গগৈ : সংখ্যালঘু নেতা আব্দুল আজিজ

গৌৰৱ গগৈক প্ৰত্যাহ্বান জনাবলৈ টঙালি আব্দুল আজিজৰ

নগাঁও, ১১ মাৰ্চ : কেৱল সংখ্যালঘূৰ ভোটেৰেই সাংসদৰূপে নিৰ্বাচিত হৈছিল গৌৰৱ গগৈ । কলিয়াবৰ লোকসভা সমষ্টিৰ অন্তর্গত ৰূপহীহাটত লোকসভা নিৰ্বাচনৰ ৰণশিঙা বজাই এই মন্তব্য সংখ্যালঘু নেতা আব্দুল আজিজৰ । দেওবাৰে লোকসভা নিৰ্বাচনৰ দিন ঘোষণা হোৱাৰ পাচতেই সোমবাৰে কলিয়াবৰ লোকসভা সমষ্টিৰ অন্তর্গত ৰূপহীহাটত মেঘালয়ৰ মুখ্যমন্ত্ৰী কোনৰাড চাংমাৰ নেতৃত্বাধীন নৱ গঠিত এন পি পি দলৰ হৈ নিৰ্বাচনী ৰণশিঙা বজালে প্ৰাক্তন বিধায়ক আব্দুল আজিজে । দলটোৰ কেইবাজনো শীৰ্ষ নেতৃত্বক লগত লৈ নেতাগৰাকীয়ে আৰম্ভ কৰে সদস্য ভৰ্তি কার্যসূচী ।