নগাঁৱত মাতৃক চোকা অস্ত্ৰৰে আক্ৰমণ পুত্ৰৰ

পুত্ৰই মাতৃক চোকা অস্ত্ৰৰে আক্ৰমণ কৰাৰ ঘটনা সংঘটিত হৈছে নগাঁও জিলাত ৷ জিলাখনৰ ৰাইদঙীয়াত সীমাবিবাদক লৈ মাতৃক আক্ৰমণ কৰে পুত্ৰই ৷

নগাঁও,15 অক্টোবৰঃ নগাঁৱত সীমাকেন্দ্ৰীক বিবাদত পুত্ৰৰ হাতত প্ৰহৃত হ'ল মাতৃ ৷ জিলাখনৰ ৰাইদঙীয়াত সংঘটিত হয় এই কাণ্ড ৷

লগতে পঢ়কঃ নলাপৰাত সংঘটিত গুলীচালনাৰ ঘটনাত জড়িত আছিল স্থানীয় যুৱক

মঙলবাৰে ৰাতিপুৱাতেই পুত্ৰই লোহাৰ ৰদেৰে মৰিয়াই মৰিয়াই গুৰুতৰভাৱে আঘাত কৰিলে নিজ মাতৃ সৰুছোৱালী দাসক ৷ পুত্ৰ কৃষ্ণমণি দাস ওৰফে মাটিয়াই সংঘটিত কৰে এই কাণ্ড ৷

ভূমিক কেন্দ্ৰ কৰি লৈ পিতৃ বিনোদ দাসৰ আদেশত এইদৰে মাতৃ আৰু জ্যেষ্ঠ ভাতৃক প্ৰহাৰ কৰে কৃষ্ণমণিয়ে ৷ স্থানীয় ৰাইজৰ তৎপৰতাত মাতৃ আৰু জ্যেষ্ঠ পুত্ৰক উদ্ধাৰ কৰি নগাঁও অসামৰিক চিকিৎসালয়লৈ প্ৰেৰণ কৰা হয় ৷ স্থানীয় ৰাইজৰ খবৰৰ ভিত্তিত জাজৰি আৰক্ষীয়ে কৃষ্ণমণি দাসক গ্ৰেপ্তাৰ কৰিছে ৷

লগতে পঢ়কঃ নকল সোণ সহ গৌৰীপুৰ আৰক্ষীৰ জালত দুই সৰবৰাহকাৰী

এই ঘটনাৰ পিচতে সমগ্ৰ অঞ্চলটোত চাঞ্চল্যই বিৰাজ কৰিছে ৷ উল্লেখ্য যে,পিতৃ বিনোদ দাসৰ নিৰ্দেশত কৃষ্ণমণিয়ে নিজগৃহৰ সোঁমাজতে জেওৰা দি দুফাল কৰিছিল চোতালখন ৷ দীৰ্ঘদিনৰ পৰাই অঞ্চলবাসীক মানসিক হাৰাশাস্তি কৰি আহিছিল কৃষ্ণমণি ওৰফে মাটিয়াই ৷