কলিয়াবৰত অমৃত সৰোৱৰ আঁচনিৰ শুভ উদ্বোধনী অনুষ্ঠানত কেশৱ মহন্ত

কলিয়াবৰত অমৃত সৰোৱৰ আঁচনিৰ শুভ উদ্বোধনী অনুষ্ঠানত উপস্থিত থাকে মন্ত্ৰী কেশৱ মহন্ত (Minister Keshav Mahanta inaugurate Amrit Sarovar scheme)৷ আজাদী কা অমৃত মহোৎসৱৰ লগত সঙ্গতি ৰাখি দেশৰ প্ৰধান মন্ত্ৰী নৰেন্দ্ৰ মোদীয়ে ঘোষণা কৰা অমৃত সৰোৱৰ আঁচনিৰ কাৰ্যকৰীকৰণৰ পদক্ষেপ ৷

কলিয়াবৰ, 17 আগষ্ট: কলিয়াবৰৰ হাতীগাঁও বাগিচা পঞ্চায়তত অমৃত সৰোৱৰ আঁচনিৰ দুটাকে পুখুৰী খন্দা কাৰ্যসূচীৰ আজি আনুষ্ঠানিকভাৱে শুভাৰম্ভ কৰে স্বাস্থ্য মন্ত্ৰী কেশৱ মহন্তই । এই আঁচনিৰ জৰিয়তে লাভাৱান্বিত হ'ব পঞ্চায়তটোৰ অধীনত থকা দুটাকৈ আত্মসহায়ক গোট (Minister Keshav Mahanta inaugurate Amrit Sarovar scheme)।

অমৃত সৰোৱৰ আঁচনিখন উদ্বোধন কৰি মন্ত্ৰীগৰাকীয়ে কয়, ‘অমৃত সৰোৱৰ’ আঁচনিৰ অধীনত জলাশয়ৰ বিকাশৰ জৰিয়তে আন্তঃগাঁথনি নিৰ্মাণ আৰু পৰিৱেশ উন্নয়নৰ লগতে স্বাৱলম্বনতো ই গুৰুত্বপূৰ্ণ ভূমিকা গ্ৰহণ কৰিব । দেশৰ প্ৰধানমন্ত্ৰীৰ জন্মদিনৰ লগত সঙ্গতি ৰাখি শুভাৰম্ভ কৰা এই অমৃত সৰোৱৰ খন্দা কাম অহা গণৰাজ্য দিৱসৰ আগে-আগে সম্পূৰ্ণ হ’ব ।

প্ৰধানমন্ত্ৰীয়ে আজাদী কা অমৃত মহোৎসৱ উপলক্ষে আৰম্ভ কৰা ‘অমৃত সৰোৱৰ’ আঁচনিৰ অধীনত বিকশিত কৰা জলাশয়সমূহৰ জৰিয়তে আন্তঃগাঁথনি নিৰ্মাণ আৰু ইয়াৰ লগত জড়িত সংস্থাসমূহে প্ৰকল্পসমূহৰ উচিত মূল্যায়ন কৰিলে সকলো পক্ষ উপকৃত হ'ব বুলি আশা প্ৰকাশ কৰে ।

লগতে প্ৰধানমন্ত্ৰীয়ে ‘অমৃত সৰোৱৰ’ৰ বাবে খন্দা মাটি অন্যান্য সংস্থাসমূহৰ নিৰ্মাণ-প্ৰকল্পত ব্যৱহাৰ কৰিব পৰা যাব বুলিও মন্তব্য কৰে ।

লগতে পঢ়ক:সাংসদ তপন কুমাৰ গগৈৰ শিৱসাগৰ ক্ৰীড়া সন্থাৰ অনাময় ব্লক উদ্বোধন