বটদ্ৰৱা,28মেঃ কৰ‘ণা ভাইৰাছৰ সংক্ৰমণে ভয়ংকৰ ৰূপ লোৱাৰ সময়তে কৰ‘ণা ভাইৰাছৰ বিৰুদ্ধে দিন ৰাতি একাকাৰ কৰি যুঁজত অৱতীৰ্ণ হৈ থকা বটদ্ৰৱাৰ সাংবাদিক সকলক অনুপ্ৰাণিত কৰাৰ উদ্দেশ্যে যুৱ কংগ্ৰেছৰ উদ্যোগত বৃহস্পতিবাৰে এক সম্বৰ্ধনা অনুষ্ঠান অনুষ্ঠিত কৰে ।
নগাঁও জিলা যুৱ কংগ্ৰেছৰ উদ্যোগত বটদ্ৰৱা শ্ৰীমন্ত শংকৰদেৱ গৱেষণা প্ৰতিষ্ঠানত অসম ৰাজ্যিক যুৱ কংগ্ৰেছৰ সাধাৰণ সম্পাদক অভিজিৎ বৰাই বৃহত্তৰ বটদ্ৰৱাৰ সাংবাদিক সকলক গামোচাৰে সম্বৰ্ধনা জনোৱাৰ লগতে বৰ্তমান সময়ত আতাইতকৈ প্ৰয়োজনীয় মাস্ক আৰু ছেনিটাইজাৰ প্ৰদান কৰে। অনুষ্ঠানটিত যুৱ কংগ্ৰেছৰ হৈ অভিজিৎ বৰাই মহাপুৰুষ শ্ৰীমন্ত শংকৰদেৱৰ জন্মস্থান বটদ্ৰৱাৰ সদা জাগ্ৰত প্ৰহৰী হৈ নিষ্ঠা সহকাৰে সংবাদ সেৱা আগবঢ়োৱা বটদ্ৰৱাৰ সাংবাদিক সকলৰ শলাগ লোৱাৰ লগতে সাম্প্ৰতিক সময়ত কোভিড -১৯ বিৰুদ্ধে যুঁজ দি অহাৰ বাবেও সাংবাদিক সকলক কৃতজ্ঞতা জ্ঞাপন কৰে ।
লগতে পঢ়কঃ ব্ৰহ্মপুত্ৰৰ মথলা চাপৰিৰ মাজত আৱদ্ধ এজাক বন ঘৰচীয়া ঘোঁৰা
