নগাঁও, ৩ ফেব্ৰুৱাৰী :চলিত বছৰতে ৰাজ্যসভাৰ দুখনকৈ আসনৰ বাবে নিৰ্বাচন অনুষ্ঠিত হ'ব (Rajya Sabha election 2022)। ইতিমধ্যে কংগ্ৰেছ দলে এই নিৰ্বাচনক লৈ বিশেষ তৎপৰতা গ্ৰহণ কৰিছে । কিন্তু কোন কোন হ'ব প্ৰাৰ্থী তাক লৈ বিভিন্ন ধৰণৰ জল্পনা কল্পনা চলি আছে (Congress candidate for Rajya Sabha election 2022)।
ইয়াৰ মাজতে নগাঁৱত প্ৰদেশ কংগ্ৰেছৰ মুখপাত্ৰ মনজিৎ মহন্তৰ ঘোষণা । বৰ্তমানৰ সাংসদ ৰিপুন বৰা আৰু ৰাণী নৰহ প্ৰাৰ্থিত্বৰ বাবে প্ৰবল দাবীদাৰ । কিন্তু তাৰ লগতে তিনিগৰাকীকৈ জ্যেষ্ঠ নেতাৰ নামো চৰ্চাত আছে ।
তেওঁৰ মতে কংগ্ৰেছৰ প্ৰাক্তন মন্ত্ৰী পৱন সিং ঘটোৱাৰ, প্ৰাক্তন সাংসদ ডিজেন শৰ্মা আৰু প্ৰদেশ কংগ্ৰেছৰ কাৰ্য্যকৰী সভাপতি ৰাণা গোস্বামীৰ নাম দলৰ মাজত চৰ্চাত আছে ।
ৰাজ্যসভা নিৰ্বাচনত কোন কোন হ'ব কংগ্ৰেছৰ প্ৰাৰ্থী দুয়োখন আসনৰ ভিতৰত এখনত কংগ্ৰেছ দল জয়ী হ'ব বুলিও নিশ্চিত নেতাগৰাকী । আনহাতে বিজেপিৰ বিৰুদ্ধে ৰাজ্যসভা নিৰ্বাচনত হৰ্ছ ট্ৰেডিঙৰো আশংকা কৰিছে কংগ্ৰেছ নেতা মনজিৎ মহন্তই । হিমন্ত বিশ্ব শৰ্মা য'ত থাকিব হৰ্ছ ট্ৰেডিঙৰ আশংকা নুই কৰিব নোৱাৰি বুলিও বিস্ফোৰক মন্তব্য কৰে অসম প্ৰদেশ কংগ্ৰেছৰ মুখপাত্ৰগৰাকীয়ে । অৱশ্যে ৰাজ্যসভা নিৰ্বাচনত বদৰুদ্দিন আজমল আৰু অখিল গগৈৰো সহায় বিচাৰিছে কংগ্ৰেছ নেতা মনজিৎ মহন্তই ।
বিজেপিৰ বিৰুদ্ধে এ আই ইউ ডি এফ, ৰাইজৰ দলকে ধৰি বিৰোধী দলসমূহক ঐক্যবদ্ধ হ'বলৈ আহ্বান জনাইছে কংগ্ৰেছ নেতা মনজিৎ মহন্তই । এই সন্দৰ্ভত এতিয়াও বিৰোধী দলসমূহৰ সৈতে আনুষ্ঠানিক আলোচনা হোৱা নাই বুলি উল্লেখ কৰে মনজিৎ মহন্তই । শেহতীয়াকৈ দাখিল কৰা কেন্দ্ৰীয় বাজেটকলৈও সন্তুষ্ট নহয় নেতাগৰাকী (Manjit Mahanta reaction about Union Budget)। তেওঁৰ মতে এই বাজেট কেৱল পুঁজিপতিৰ বাবেহে দাখিল কৰা হৈছে ।
লগতে পঢ়ক :Rajya Sabha election : সকলো জল্পনা-কল্পনাৰ মাজতে হ'ব পাৰে ৰাজনৈতিক পট পৰিবৰ্তন
