ধিং,25 মে’:ধিঙৰ সোণাৰিগাঁৱত বিদ্যুৎস্পৃষ্ট হৈ মৃত্যু হ’ল এজন লোকৰ । মৃত লোকজন সোণাৰি গাঁৱৰ নুৰ ইছলাম বুলি জানিব পৰা গৈছে । ইছলামে পুৱা গাঁৱৰ পথাৰত ধান কাটিবলৈ যোৱা অৱস্থাত সংঘটিত হয় এই অবাঞ্চিত ঘটনা । উল্লেখ্য যে ,গাঁৱখনৰ পথাৰৰ সমীপৰে এঘৰ লোকৰ ব্ৰইলাৰ ফাৰ্মৰ চাৰিওফালে অবৈধভাৱে ৰখা বিদ্যুতৰ তাঁৰত লাগি থিতাতে নিহত হয় নুৰ ইছলাম নামৰ যুৱকজন ।
ধিঙৰ সোণাৰিগাঁৱত বিদ্যুৎস্পৃষ্ট হৈ এজনৰ মৃত্যু
সম্প্ৰতি, এই ঘটনাটোক কেন্দ্ৰ কৰি তীব্ৰ চাঞ্চল্যৰ সৃষ্টি হৈছে অঞ্চলটোত । ইতিমধ্যে ধিং আৰক্ষী ঘটনাস্থলীত উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে নগাঁৱলৈ প্রেৰণ কৰিছে ।