নগাঁও, 10 জুন: নগাঁৱৰ একাংশ বেকাৰীত অতিমাত্ৰা লেতেৰা পৰিৱেশত প্ৰস্তুত হয় ব্ৰেড, বিস্কুট । ভিতৰৰ পৰিৱেশ দেখিলে ঘৃণাত নাক কোঁচ খাব সকলোৰে । সাংবাদিকৰ ষ্টিং অপাৰেচনত ধৰা পৰিছে নগাঁৱৰ এটা বেকাৰী ফেক্টৰীৰ চৰম অস্বাস্থ্যকৰ পৰিৱেশ ।
নগাঁৱৰ একাংশ বেকাৰীত চৰম অস্বাস্থ্যকৰ পৰিৱেশত প্ৰস্তুত কৰা হয় চাহৰ সৈতে খোৱা খাদ্য সামগ্ৰী (Unhygienic surrounding of Bakery in Nagaon)। নগাঁও চহৰৰ কেঁচাআলিস্থিত সুৰুজ বেকাৰীৰ(Suruj Bakery Nagaon) ভিতৰৰ পৰিৱেশ দেখিলে বিস্কুট খোৱাৰ পূৰ্বে এশবাৰ ভাবিব লাগিব সকলোৱে । বেকাৰীটোৰ ভিতৰত প্ৰস্তুত কৰা ব্ৰেড, কেক অথবা বনৰ ওপৰত বগাই ফুৰিছে পঁইতোচোৰা । এই ব্ৰেড, বিস্কুট প্ৰস্তুত কৰাৰ সময়ত ব্যৱহাৰ কৰা হয় অতি লেতেৰা বাল্টি । যি বাল্টিতে কণী ভাঙি কেক বনাবলৈ ময়দাৰ লগত মিহলোৱা হয় ।
কিমান স্বাস্থ্যসন্মত পৰিৱেশত প্ৰস্তুত হয় আপোনাৰ পুৱাৰ আহাৰ?