নগাঁও , 12 জানুৱাৰীঃ নাগৰিকত্ব সংশোধনী আইন বিৰোধী প্ৰতিবাদেৰে উত্তাল এই সাম্প্ৰতিক পৰিস্থিতিৰ মাজেৰেই চহা অসমীয়া সাজু হৈছে বাপতিসাহোন ভোগালীক আদৰিবলৈ ৷ ৰাজ্যৰ প্ৰত্যেকটো প্ৰান্তত দেখিবলৈ পোৱা গৈছে ভোগালীক আদৰাৰ ব্যাপক প্ৰস্তুতি ৷ নগাঁও জিলাৰ জাজৰি শিমলুতল বাসীয়ে গ্ৰহণ কৰিছে এক প্ৰশংসনীয় পদক্ষেপ ৷ গাঁওখনৰ ডেকা সকলে ব্যতিক্ৰমী ৰূপেৰে সাজি উলিয়াইছে মেজি আৰু ভেলাঘৰ ৷
ভোগালীক আদৰিবলৈ সাজু শিমলুতলবাসী মাতৃ ভূমিৰ পৰা যাতে অসূয়া-অপ্ৰীতি দূৰ হৈ শান্তি প্ৰতিষ্ঠা হয়, সেই কামনাৰে ভগৱানৰ আশীষ বিচাৰি মহাভাৰতৰ কুৰুক্ষেত্ৰ ৰণৰ শ্ৰীকৃষ্ণ আৰু অৰ্জুনৰ কপিধ্বজ ৰথৰ আৰ্হিৰে গাঁওবাসীয়ে নিৰ্মাণ কৰিছে মেজি ঘৰ ৷ বিহুৰ দিনাৰে পৰাই 5 দিনীয়া কাৰ্যসূচীৰে গাঁওখনত অনুষ্ঠিত হ’ব অখণ্ড ভাগৱত পাঠ ৷ উল্লেখযোগ্য যে , অখণ্ড ভাগৱত পাঠ অনুষ্ঠানৰ বাবে গাঁওবাসীয়ে বিহুৰ থলীতেই খেৰেৰ নিৰ্মাণ কৰি উলিয়াইছে নামঘৰ ৷ 8 ডিচেম্বৰতে লাইখুটা স্থাপন কৰি বিহুৰ প্ৰস্তুতি চলোৱা জাজৰি শিমলুতল বাসী উৎসাহেৰে সাজু হৈছে ব্যতিক্ৰমীভাৱে ভোগালী বিহু উদযাপনৰ বাবে ৷ ভোগালীক আদৰিবলৈ সাজু শিমলুতলবাসী 