চামগুৰি, 31ডিচেম্বৰ :বুধবাৰে সদনত মাদ্ৰাছা শিক্ষা বন্ধ আইন গৃহীত হোৱাৰ লগে লগে চৰকাৰী মাদ্ৰাছা শিক্ষা বিলুপ্ত হোৱাৰ কথাটো সহজ ভাৱে ল’ব পৰা নাই নগাঁৱৰ কদমণি টাইটেল মাদ্ৰাছাৰ ছাত্ৰ-ছাত্ৰী সকলে । নগাঁও জিলাৰ বটদ্ৰৱাৰ কদমণিত অৱস্থিত অসমৰ অন্যতম উচ্চ শিক্ষা স্নাতকোত্তৰ প্ৰতিষ্ঠান কদমণি চিনিয়ৰ ও টাইটেল মাদ্ৰাছাই ১৯৮৫ চনৰ পৰা চৰকাৰী প্ৰদেশিকীকৰণ লাভ কৰি শিক্ষাৰ পোহৰ বিলাই আহিছে ।
মাদ্ৰাছা শিক্ষা বন্ধৰ বিৰোধিতা কদমণি টাইটেল মাদ্ৰাছাৰ ছাত্ৰ ছাত্ৰীৰ
উল্লেখ্য যে, নগাঁও জিলাৰ বিশিষ্ট শল্য চিকিৎসক ডাঃ চফীকুল ইছলাম, ডাঃ মুস্তাফা হুছেইনকে আদি কৰি বহু কেইজন চিকিৎসক অভিযন্তা প্ৰশাসনিক বিষয়াই মাদ্ৰাছা খনৰ পৰা অধ্যয়ন কৰি দেশৰ সেৱা কৰি আহিছে । তেনে সময়ত এই মাদ্ৰাছা সমূহ বন্ধ কৰি দিয়াটো যথেষ্ট তাৎপৰ্য পূৰ্ণ হিচাপে বিবেচিত হৈছে ।