চি চি কেমেৰাত বন্দী ধন লুটৰ চাঞ্চল্যকৰ দৃশ্য

আৰক্ষী চকীৰ সন্মুখতেই ব্যৱসায়ীৰ পৰা দুৰ্বৃত্তই লুটিলে ধন। ব্যৱসায়ীক পথৰ ওপৰতে বগৰাই ধন লৈ উধাও দুৰ্বৃত্ত ।

নগাঁও,16 জানুৱাৰীঃশুকুবাৰে দিন দুপৰতে নগাঁৱৰ হয়বয়ৰগাঁৱত সংঘটিত হয় চাঞ্চল্যকৰ ধন লুটৰ ঘটনা । হয়বৰগাঁও আৰক্ষী চকীৰ সন্মুখৰ পৰাই এজন ব্যৱসায়ীক পথৰ ওপৰতে বগৰাই লুটি নিয়ে চাৰি লাখ টকা । পুৱাই হয়বৰগাঁৱৰ এটা বেংকৰ পৰা চাৰি লাখ টকা উঠাই গুৱাহাটীলৈ যাবলৈ সাজু হৈ আছিল শাম গোপাল ঘোষ নামৰ ব্যৱসায়ীজন ।

তেনে সময়তে বাইকত অহা দুজনীয়া দুৰ্বৃত্তই শাম গোপাল ঘোষ নামৰ ব্যৱসায়ীজনৰ পৰা কাঢ়ি লৈ যায় টকাৰ বেগটো। বাইকত অহা দুৰ্বৃত্তই ব্যৱসায়ীজনক বগৰাই বেগটো লৈ উধাও হয় । ইফালে দুৰ্বৃত্তই পথৰ ওপৰত বগৰাই পেলোৱাত আঘাতপ্ৰাপ্ত হয় ব্যৱসায়ীজন।

উল্লেখ্য যে, এই সমগ্ৰ ঘটনা বন্দী হয় হয়বয়ৰগাঁও আৰক্ষী চকীৰ চি চি কেমেৰাত । সম্প্ৰতি ঘটনা সন্দৰ্ভত আৰক্ষীয়ে চি চি কেমেৰাৰ ফুটেজৰ ভিত্তিত তদন্ত চলোৱাৰ লগতে দুৰ্বৃত্তৰ সন্ধানত অভিযান আৰম্ভ কৰিছে ।

লগতে পঢ়কঃ 21 জানুৱাৰীৰ পৰা মৰিগাঁৱত অনুষ্ঠিত হ’ব জোনবিল মেলা