নগাঁৱত পথ দুৰ্ঘটনাত নিহত কটন বিশ্ববিদ্যালয়ৰ অধ্যাপক

নগাঁৱৰ বৰভেটিত সংঘটিত ভয়াৱহ পথ দুৰ্ঘটনা । দুৰ্ঘটনাটোত মৃত্যুবৰণ কৰে কটন বিশ্ববিদ্যালয়ৰ অধ্যাপক বিশ্বজিৎ নাথে ৷

নগাওঁ,21 মাৰ্চঃ নগাঁৱৰ বৰভেটিত শুকুৰবাৰে নিশা সংঘটিত হয় এক ভয়াৱহ পথ দুৰ্ঘটনা । দুৰ্ঘটনাটোত নিহত হয় কটন বিশ্ববিদ্যালয়ৰ অধ্যাপক বিশ্বজিৎ নাথ । ঘটনাৰ বিৱৰণী অনুসৰি, বৰভেটি তিনিআলিত ৰৈ থকা এখন ট্ৰাকত নগাঁও অভিমুখে গৈ থকা AS 12 G 8111 নম্বৰৰ এখন চেন্ট্ৰ’বাহনে প্ৰচণ্ড খুন্দা মৰাৰ ফলত সংঘটিত হয় দুৰ্ঘটনাতো ৷ দুৰ্ঘটনাটোত গুৰুত্বৰভাৱে আহত হয় নগাঁৱৰ সমীপৱৰ্তী তেলিয়াগাঁৱৰ বিশ্বজিৎ নাথ আৰু পংকজ নাথ নামৰ দুজন লোক ৷ ঘটনাস্থলীত ততালিকে উপস্থিত হয় আৰক্ষী ৷ স্থানীয় ৰাইজৰ তৎপৰতাত হয়বৰগাঁও আৰক্ষীয়ে আহত লোক দুজনক ভোগেশ্বৰী ফুকননী অসামৰিক চিকিৎসালয়ত ভৰ্তি কৰে ৷ পিছত উন্নত চিকিৎসাৰ বাবে সংকটজনক অৱস্থাত বিশ্বজিৎ নাথক গুৱাহাটীলৈ প্ৰেৰণ কৰা হয় যদিয়ো আদবাটতে প্ৰাণ হেৰুৱাই কটন বিশ্ববিদ্যালয়ৰ অধ্যাপক বিশ্বজিৎ নাথে ।

লগতে চাওকঃবৰপেটাৰোডত ভগত কা-কোঠি ৰেলৰ পৰা জব্দ বৃহৎ পৰিমাণৰ বিলাতী সুৰা