চামগুৰি, 7 নবেম্বৰ : নগাঁও জিলাৰ চামগুৰিত দেওবাৰে সংঘটিত হোৱা ভূমিকেন্দ্ৰিক সংঘাতক কেন্দ্ৰ কৰি তীব্ৰ চাঞ্চল্যৰ সৃষ্টি হৈছে । চামগুৰিৰ বৰমাৰ ভগামুৰত ভূমি কেন্দ্ৰিক বিবাদক কেন্দ্ৰ কৰি দুইপক্ষৰ মাজত সংঘটিত হয় প্ৰচণ্ড মাৰপিটৰ ৷ এই সংঘাlত উভয়পক্ষৰ ১২ জনকৈ লোক আহত হয় । জানিব পৰা মতে, অঞ্চলটোৰ ছুবেদ আলী নামৰ এজন লোকৰ পৰিয়ালে ইদ্ৰিছ আলী নামৰ লোকজনৰ পৰিয়ালক মাটি বিক্ৰী কৰিছিল ।
মাটিৰ বাবে মাৰপিট কৰি ছুবেদ আলী-ইদ্ৰিছ আলীৰ পৰিয়ালৰ 12 জন আহত
অভিযোগ অনুসৰি, দেওবাৰে ছুবেদ আলীৰ পৰিয়ালে বিক্ৰী কৰা ভূমি পুনৰ দখল কৰিবলৈ যোৱাক কেন্দ্ৰ কৰি দুয়োপক্ষৰ মাজত সংঘাতৰ সৃষ্টি হয় । ইয়াৰ বিপৰীতে ছুবেদ আলীৰ পৰিয়ালে অভিযোগ কৰামতে ইদ্ৰিছ আলীৰ পৰিয়ালৰ লোকে এগৰাকী মহিলাৰ নাম ভোটাৰ তালিকাত নীতি বৰ্হিঃভূতভাৱে ভৰ্তি হোৱাৰ বিৰুদ্ধে তেওঁলোকে সংশ্লিষ্ট কৰ্তৃপক্ষক অভিযোগ দিছিল ।