কলিয়াবৰত কেশৱ মহন্তৰ পদযাত্ৰা

কলিয়াবৰত কেশৱ মহন্তৰ পদযাত্ৰা ৷ গাঁৱে-গাঁৱে উন্নতিৰ প্ৰতিশ্ৰুতিৰে কেশৱ মহন্তৰ সমৰ্থকৰ বিপুল উৎসাহ ৷ শনিবাৰে ৮৯ নং কলিয়াবৰ বিধানসভাৰ মিত্ৰজোঁটৰ প্ৰাৰ্থী কেশৱ মহন্তই পদযাত্ৰাৰে ৰাইজৰ পদুলিয়ে-পদুলিয়ে, নামঘৰে-নামঘৰে আশীষ লৈ কলিয়াবৰত অগপৰ শক্তি প্ৰদৰ্শন কৰে ৷

কলিয়াবৰ,20 মাৰ্চঃকলিয়াবৰত অগপ-বিজেপি মিত্ৰজোঁটৰ প্ৰাৰ্থী তথা মন্ত্ৰী কেশৱ মহন্তৰ বিশাল পদযাত্ৰাৰে নিৰ্বাচনী প্ৰচাৰ ৷ বিজেপি আৰু অগপৰ কৰ্মীক লগত লৈ মন্ত্ৰী কেশৱ মহন্তই গাঁৱে-গাঁৱে পদযাত্ৰা কৰি চলাইছে নিৰ্বাচনী প্ৰচাৰ অভিযান । প্ৰথম পৰ্যায়ৰ ভোট গ্ৰহণলৈ হাতত মাত্ৰ কেইটামান দিন থকা অৱস্থাত কলিয়াবৰৰ চুকে-কোণে মন্ত্ৰী কেশৱ মহন্তই সমৰ্থকসকলক লগত লৈ প্ৰচাৰ চলোৱা দেখিবলৈ পোৱা গৈছে ।

উল্লেখযোগ্য যে, শনিবাৰে কুঁৱৰীটোলস্থিত অগপৰ মুখ্য কাৰ্যালয়ৰ পৰা বিশাল পদযাত্ৰাৰে সমৰ্থকক লৈ গাঁৱে-গাঁৱে পদযাত্ৰা কৰে কেশৱ মহন্তই । কেইবা সহস্ৰাধিক সমৰ্থকক লগত লৈ পদযাত্ৰাৰে নিৰ্বাচনী প্ৰচাৰ চলাই কেশৱ মহন্তই ।

লগতে পঢ়কঃৰাইজৰ দলৰ প্ৰাৰ্থী আশ্ৰাফুল ইছলামৰ ব্যাপক প্ৰচাৰ