কলিয়াবৰ,25 মাৰ্চঃসমগ্ৰ অসমত কৰ'ণা ভাইৰাছ সস্পৰ্কীয় পৰিস্থিতি পৰ্যবেক্ষণৰ বাবে মুখ্যমন্ত্ৰী সৰ্বানন্দ সোণোৱালৰ নিৰ্দেশমৰ্মে মন্ত্ৰীসকলে ৰাজ্যৰ ভিন্ন স্থানত উপস্থিত হয় । বুধবাৰে নগাঁও আৰু শোণিতপুৰ জিলাৰ দায়িত্বত থকা মন্ত্ৰী কেশৱ মহন্তই কলিয়াবৰ মহকুমাত কৰ'ণা ভাইৰাছ সংক্ৰমণ নিয়ন্ত্ৰণৰ বাবে প্ৰয়োজনীয় পদক্ষেপ গ্ৰহণ সম্পৰ্কে এক বৈঠকত মিলিত হয় । বৈঠকত স্বাস্থ্য সম্পৰ্কীয় ব্যৱস্থা, প্ৰয়োজনীয় খাদ্য সামগ্ৰী তথা আইন শৃঙ্খলাজনিত বিষয়ৰ ওপৰত পুংখানুপুংখভাৱে আলোচনা কৰা হয় । জৰুৰীকালীন সেৱা যাতে কোনো কাৰণতে বিঘ্নিত নহয় তাৰবাবে সংশ্লিষ্ট সকলো পক্ষকে আহ্বান জনায় মন্ত্ৰীগৰাকীয়ে ।
জৰুৰী বৈঠক অনুষ্ঠিত