ক'ৰণা আক্ৰান্ত ৰোগীক লৈ চাঞ্চল্য

কামপুৰত কোভিড-19 পৰিস্থিতি গণ সংক্ৰমণৰ দিশে যোৱাৰ আশংকা প্ৰকাশ স্থানীয় ৰাইজৰ ৷

বঢ়মপুৰ,1জুলাইঃ নগাঁও জিলাৰ কামপুৰত ক'ৰণা আক্ৰান্ত ৰোগীক লৈ চাঞ্চল্যই বিৰাজ কৰিছে ৷ পৰিস্থিতি গণ সংক্ৰমণৰ দিশে যোৱাৰ আশংকা প্ৰকাশ কৰিছে অঞ্চলটোৰ ৰাইজে ৷ অভিনৱ প্ৰকাশ নাথ নামৰ কোভিড-19 পজিটিভ ৰোগী জনক লৈ কামপুৰত আতংক ৷ তিনিদিন ধৰি কামপুৰ বজাৰত ঘুৰি ফুৰা পাছতো স্বাস্থ্য বিভাগে গুৰুত্ব নিদিয়াৰ অভিযোগ স্থানীয় লোকৰ ৷

তাৰ পৰিপ্ৰেক্ষিতত সাত দিন কামপুৰ বন্ধ বিচাৰি ৰাজহ চক্ৰ বিষয়াক স্মাৰত পত্ৰ প্ৰদান বিভিন্ন দল সংগঠনে লগতে সমগ্ৰ অঞ্চলটোত চেনিটাইজ কৰিবলৈ আহ্বান জনায় প্ৰশাসনক ৷ ইপিনে বুধবাৰে পুৱা স্থানীয় লোকৰ তৎপৰতাত নগাঁৱৰ কোভিড চিকিৎসালয়লৈ প্ৰেৰণ কৰা বুলি জানিব পৰা গৈছে যুৱক জনক ৷

লগতে পঢ়কঃ দিল্লীত ৪৩৬ টালৈ বৃদ্ধি কণ্টেইনমেণ্ট জ'নৰ সংখ্যা