কলিয়াবৰ, 5 আগষ্টঃদেওবাৰে সফলভাৱে অন্ত পৰে কলিয়াবৰ জিলা ক্ৰীড়া সন্থাৰ ক্লাৱ লীগ ফুটবল প্ৰতিযোগিতাৰ ৷ ৭ জুলাইৰ পৰা কলিয়াবৰৰ নাগশংকৰ স্থিত ডা০ টি. আও গ্ৰাম্য ক্ৰীড়াংগনত অনুষ্ঠিত হোৱা এই প্ৰতিযোগিতাত অংশ লৈছিল মুঠ ২৬ টা দলে ৷
সফল সামৰণী কলিয়াবৰ জিলা ক্ৰীড়া সন্থা ক্লাৱৰ লীগ ফুটবল প্ৰতিযোগিতাৰ
২ আগষ্ট অনুষ্ঠিত হোৱা C ডিভিজনৰ মেচৰ চূড়ান্ত খেলত অৰুণোদয় সংঘক ১-০ গ'লত পৰাস্ত কৰি বৰঘূলী যুৱক সংঘ চেম্পিয়ন হৈ B ডিভিজনলৈ উন্নীত হয় । B ডিৱিজন পৰ্য্যায়ত অংশ গ্ৰহণ কৰিছিল ৮ টা দলে । ইপিনে ক্লিৰডাপ ক্লাৱে দ'ল পুখুৰী যুৱক সংঘক ৩-২ গ'লত পৰাস্ত কৰি B ডিভিজন লীগৰ চেম্পিয়ন হৈ A ডিভিজনলৈ উন্নীত হয় । দেওবাৰে অনুষ্ঠিত হোৱা A ডিৱিজনৰ চূড়ান্ত খেলত ফ্ৰেণ্ডশ্বীপ ক্লাৱে থং-নক্ৱে আচং দলক ২-০ গ'লৰ ব্যৱধানত পৰাস্ত কৰি চেম্পিয়নশ্বিপ অৰ্জন কৰে ।