জুৰীয়াত ব্ৰাউন চুগাৰসহ ড্ৰাগছ সৰবৰাহকাৰীক আটক

দেওবাৰে নিশা ড্ৰাগছৰ বিৰুদ্ধে জুৰীয়াত আৰক্ষীৰ অভিযান ৷ উক্ত অভিযানত আৰক্ষীয়ে ব্ৰাউন চুগাৰসহ এজন ড্ৰাগছ সৰবৰাহকাৰীক আটক কৰিবলৈ সক্ষম হয় ৷

ৰূপহীহাট, 31 মে’ : নগাঁও জিলাৰ জুৰীয়া আৰক্ষীৰ সফল অভিযান । দেওবাৰে নিশা চলোৱা এক অভিযানত বুজন পৰিমাণৰ নিষিদ্ধ ব্ৰাউন চুগাৰ জব্দ কৰিবলৈ সক্ষম হয় জুৰীয়া আৰক্ষী ৷ দেওবাৰে নিশা এক গোপন খবৰৰ ভিত্তিত জুৰীয়া আৰক্ষী থানাৰ ভাৰপ্ৰাপ্ত বিষয়া মৃগেন শইকীয়া আৰু দগাঁও আৰক্ষী পহৰা চকীৰ সহ উপ-পৰিদৰ্শক ফজৰ আলীৰ নেতৃত্বত চলা এক অভিযানত বুজন পৰিমাণৰ নিষিদ্ধ ব্ৰাউন চুগাৰৰ লগতে খালী কন্টেইনাৰ জব্দ হয় ৷

জানিব পৰা মতে, জামুগুৰি গাঁৱৰ হবিবুৰ ৰহমান নামৰ লোকজন দীৰ্ঘদিন ধৰি নিষিদ্ধ ড্ৰাগছৰ বেহাৰ লগত জড়িত হৈ আছিল ৷ অৱশেষত আৰক্ষীয়ে এই অভিযানত ড্ৰাগছ সৰবৰাহকাৰী হবিবুৰ ৰহমান আটক কৰিবলৈ সক্ষম হয় ৷

লগতে পঢ়ক : মাজনিশা জুৰীয়াত ড্ৰাগছ মাফিয়ালৈ নগাঁও আৰক্ষীৰ গুলী