যুৱ প্ৰজন্মলৈ কি আহ্বান 'অৰণ্যমানৱ' যাদৱ পায়েঙৰ !

পথ নিৰ্মাণৰ বাবে গছ-গছনি কাটিবলৈ হ'লে আগতীয়াকৈ গছ ৰোৱাৰ প্ৰয়োজন বুলি উল্লেখ কৰে যাদৱ পায়েঙে

নগাঁও, 22 চেপ্তেম্বৰঃ 'গছ কাটি উন্নয়ণ কৰিব নালাগে' এই মন্তব্য অৰণ্যমানৱ যাদৱ পায়েঙৰ ৷ দেওবাৰে নগাঁৱৰ পান্থতৰু সংৰক্ষণীৰ জলবায়ু ধৰ্মঘটত উপস্থিত থাকি এনেদৰে মন্তব্য কৰে পদ্মশ্ৰী বঁটাৰে সন্মনিত যাদৱ পায়েঙে ৷ উন্নয়ন লাগে যদিও গছ-গছনি পৰালৈকে কাটিব নালাগে । পথ নিৰ্মাণৰ বাবে গছ-গছনি কাটিবলৈ হ'লে আগতীয়াকৈ গছ ৰোৱাৰ প্ৰয়োজন বুলি উল্লেখ কৰে যাদৱ পায়েঙে । ছাত্ৰ-ছাত্ৰীক জন্মদিনত কেক কটাৰ পৰিৱৰ্তে গছ পুলি ৰোপণ কৰাৰ লগতে বন্ধু বান্ধৱীকো গছ পুলি উপহাৰ দিয়াৰ আহ্বান জনায় অৰণ্যমানৱ গৰাকীয়ে ।