নগাঁও,15 মে’: আনন্দক লৈ নগাঁৱত আনন্দৰ জোৱাৰ । যোগদানৰ পূৰ্বেই আই পি এছ বিষয়া আনন্দ মিশ্রক সমাজিক মাধ্যমযোগে ব্যাপক আদৰণি বিভিন্ন মহলৰ ।
ডঃ হিমন্ত বিশ্ব শৰ্মাৰ নেতৃত্বত চৰকাৰ গঠন হোৱাৰ পিছতেই ৰাজ্যৰ আৰক্ষী অধীক্ষক পৰ্য্যায়ত হোৱা প্ৰথমটো ৰদ বদলত ধুবুৰীৰ আৰক্ষী অধীক্ষক আনন্দ মিশ্রক বদলি কৰা হৈছে নগাঁও জিলা আৰক্ষী অধীক্ষক হিচাপে ।
ধুবুৰীত বিশেষকৈ গৰু ছিণ্ডিকেটকে অপৰাধীৰ বহু ঘাটি উচ্ছেদ কৰি এগৰাকী দক্ষ আৰক্ষী বিষয়া হিচাপে পৰিচিত হৈ পৰা আই পি এছ বিষয়া আনন্দ মিশ্রক নগাঁৱলৈ বদলি কৰাৰ খবৰ বিয়পি পৰাৰ লগে যেন আনন্দৰ জোৱাৰ উঠিছে নগাঁৱৰ সচেতন মহলত। একপ্ৰকাৰে ড্ৰাগছৰ ৰম্যভূমিত পৰিণত হোৱা নগাঁৱৰ বিভিন্ন অপৰাধ নিয়ন্ত্ৰণ কৰিবলৈ আনন্দ মিশ্ৰ সক্ষম হ’ব বুলি আশাবাদী নগাঁৱৰ বিভিন্ন মহল ।
নগাঁৱত আনুষ্ঠানিক ভাৱে যোগদান কৰাৰ পূৰ্বেই সামাজিক মাধ্যমত বিভিন্নজনে ব্যাপক ভাৱে স্বাগতম জনাইছে আৰক্ষী বিষয়া আনন্দ মিশ্রক । এক প্ৰকাৰে আনন্দ মিশ্ৰক লৈ আশাবাদী নগাঁওবাসী ৷
লগতে পঢ়ক:মুখ্যমন্ত্ৰীৰ দায়িত্বভাৰ লৈ প্ৰত্যাহ্বানৰ সন্মুখীন হৈছে ড৹ হিমন্ত বিশ্ব শৰ্মা
