বঢ়মপুৰ,১৯ ফেব্ৰুৱাৰী :নগাঁও জিলাৰ বঢ়মপুৰ সমষ্টিৰ কঠিয়াতলীস্থিত চিআৰপিএফ ৩৪ নং বেটেলিয়নৰ চিবিক একশ্যন প্ৰ'গ্ৰেম ২০২১-২২ৰ অধীনত (Civic action program of CRPF) ছটাকৈ স্থানত ৰাইজৰ খোৱাপানী সমস্যা সমাধানৰ বাবে টিউবেল বিতৰণ কৰা হয় । বছৰ বছৰ ধৰি এটুপি বিশুদ্ধ খোৱাপানীৰ বাবে হাহাকাৰ কৰিবলগীয়া হৈছিল অঞ্চলটোৰ ৰাইজে । আনকি বিশুদ্ধ পানীৰ সন্ধানত এক-ডেৰ কিলোমিটাৰ দূৰলৈ যাবলগীয়া হৈছিল অঞ্চলটোৰ ৰাইজ ।
কঠিয়াতলীত চিআৰপিএফৰ উদ্যোগত ৰাইজৰ বাবে খোৱাপানীৰ ব্যৱস্থা
চৰকাৰ তথা প্ৰশাসনক লোকসকলে দাবী জনাই আহিছিল যদিও ৰাইজৰ অসুবিধাৰ প্ৰতি কোনো গুৰুত্ব দিয়া নাছিল বিভাগীয় কতৃপক্ষই । অৱশেষত চিআৰপিএফ বাহিনীয়ে ৬ টাকৈ টিউবেলৰ ব্যৱস্থা কৰিলে অঞ্চলটোত (Installation of tubels at Nagaon in CRPF initiative)। চিআৰপিএফ বাহিনীৰ এই পদক্ষেপৰ পাছতে আনন্দিত অঞ্চলটোৰ ৰাইজ ।