নগাঁও, 5 এপ্ৰিল : শিক্ষাবৰ্ষৰ আৰম্ভণিতেই বিদ্যালয়ৰ অনিয়ময়ৰ বিৰুদ্ধে কঠোৰ হৈছে নগাঁও জিলা বিদ্যালয়সমূহৰ পৰিদৰ্শক মৃদুল কুমাৰ নাথ । সোমবাৰে নগাঁৱৰ কেইবাখনো বিদ্যালয়ত চাডেন ভিজিট কৰিলে বিদ্যালয় পৰিদর্শক মৃদুল কুমাৰ নাথে । বিদ্যালয় পৰিদর্শনৰ সময়ত শিক্ষকৰ অনিয়মীয়া উপস্থিতিৰ তথ্য লাভ কৰি হতভম্ব হৈ পৰে বিষয়াগৰাকী ।
নগাঁৱৰ সাত খন বিদ্যালয় পৰিদৰ্শন কৰি ছয় খন বিদ্যালয়ৰ মুঠ ৪২ গৰাকী শিক্ষকক কাৰণ দৰ্শোৱাৰ জাননী জাৰি কৰে বিদ্যালয় পৰিদৰ্শক মৃদুল কুমাৰ নাথে । নগাঁৱৰ চকলাঘাট উচ্চতৰ মাধ্যমিক বিদ্যালয়ৰ ১০ গৰাকী, ৰাইদঙীয়া হলিৰাম উচ্চতৰ মাধ্যমিক বিদ্যালয়ৰ ১৩ গৰাকী, সতিৰাধিকা ছোৱালী উচ্চ মাধ্যমিক বিদ্যালয়ৰ ৮ গৰাকী, বটদ্ৰৱা শ্ৰী শ্ৰী শংকৰদেৱ উচ্চতৰ মাধ্যমিক বিদ্যালয়ৰ ৩ গৰাকী, সোনাইঘাট উচ্চ মাধ্যমিক বিদ্যালয়ৰ 6 গৰাকীৰ লগতে হাটীচুং ছোৱালী উচ্চ মাধ্যমিক বিদ্যালয়ৰ আটাইকেইগৰাকী শিক্ষকক অনিয়মীয়া উপস্থিতিৰ বাবে কাৰণ দৰ্শোৱাৰ জাননী জাৰি কৰে ।