কঠিয়াতলীৰ নেপালী খুঁটিত বৃহৎ পৰিমাণৰ চোৰাং কাঠ জব্দ

মঙলবাৰে কঠিয়াতলীৰ নেপালী খুঁটিত বৃহৎ পৰিমাণৰ চোৰাং কাঠ জব্দ । জব্দকৃত কাঠখিনিৰ মূল্য প্ৰায় ৮০ হাজাৰ টকা ।

বঢ়মপুৰ,6 মে'ঃমঙলবাৰে নিশা কঠিয়াতলীৰ নেপালী খুঁটিত অভিযান চলাই বৃহৎ পৰিমাণৰ চোৰাং কাঠ জব্দ কৰে বনবিভাগে । কাৰ্বি আংলং পাহাৰৰ পৰা কাঠখিনি আনি মজুত কৰি ৰাখিছিল হৰেন বৰা নামৰ লোক এজনে । স্থানীয় লোকৰ খবৰৰ ভিত্তিত বন বিভাগে হৰেন বৰাৰ ঘৰৰ সমীপৰ পৰা কাঠখিনি জব্দ কৰিবলৈ সক্ষম হয়।

ইফালে বনবিভাগৰ লোক উপস্থিত হোৱাত ঘটনাস্থলীৰ পৰা পলায়ন কৰে হৰেন বৰা । বন বিভাগৰ সূত্ৰই জানিবলৈ দিয়া অনুসৰি জব্দকৃত চোৰাং কাঠখিনিৰ মূল্য প্ৰায় ৮০ হাজাৰ টকা ৷