নগাঁৱত চোৰাং কাঠভৰ্তি বাহন জব্দ

নগাঁৱত পুনৰ জব্দ চোৰাং কাঠ । নগাঁও বন সুৰক্ষা বাহিনীয়ে খেদি খেদি জব্দ কৰিলে চোৰাং কাঠভৰ্তি বাহন । জব্দকৃত কাঠ খিনিৰ মূল্য লক্ষাধিক হ'ব বুলি অনুমান কৰিছে বিভাগীয় কৰ্তৃপক্ষই ৷

নগাঁও, 13 ছেপ্তেম্বৰ:চোৰাং কাঠ ব্যৱসায়ীৰ বিৰুদ্ধে কঠোৰ হৈছে নগাঁও বন সুৰক্ষা বাহিনী । নগাঁৱত বন বিভাগৰ লোকে খেদি খেদি জব্দ কৰিলে লক্ষাধিক টকাৰ চোৰাং কাঠসহ এখন টাটা মোবাইল । নগাঁও চহৰৰ মাজমজিয়াৰ পৰাই জব্দ কৰে বৃহৎ পৰিমাণৰ চোৰাং কাঠ । নগাঁও আঞ্চলিক বন সুৰক্ষা বিষয়া শ্বামিম আখতাৰৰ নেতৃত্বত বন বিভাগৰ লোকে চলোৱা অভিযানত জব্দ হয় কাঠসমূহ । কাৰ্বি আংলঙৰ পৰা সৰবৰাহৰ সময়ত জব্দ হয় চোৰাং কাঠভৰ্তি টাটা মোবাইল খন । কাঠ খিনিৰ বজাৰমূল্য লক্ষাধিক হ'ব বুলি অনুমান কৰা হৈছে ৷

লগতে পঢ়ক:বন বিভাগৰ অভিযানত চোৰাং কাঠ ভৰ্তি ট্ৰাক জব্দ