ৰূপহীহাট, ১১ ছেপ্টেম্বৰ :ৰাজ্যত চলি আছে চোৰাং কাঠৰ সৰবৰাহ (Wood smuggling) । একাংশ দুষ্টচক্ৰই বহিঃৰাজ্যৰ পৰা চোৰাং কাঠ অসমলৈ সৰবৰাহ কৰি আছে । অৱশ্যে আৰক্ষী আৰু বন বিভাগৰ তৎপৰতাত মাজে সময়ে অবৈধ কাঠ জব্দ হোৱাৰ লগতে আটক হয় সৰবৰাহকাৰীসকল । শুকুৰবাৰে নিশা নগাঁও জিলাৰ জুৰীয়া আৰক্ষীৰ তৎপৰতাত জব্দ হয় কাঠ ভৰ্তি এখন ১২ চকীয়া ট্ৰাক ।
কাঠৰ ট্ৰাকখন জব্দ কৰাৰ পাছতেই চোৰাং কাঠ ক্ৰয় কৰা আৰু মজুত ৰখাৰ সন্দেহত চাৰিখনকৈ কাঠৰ দোকানত তলা লগালে জুৰীয়া আৰক্ষীয়ে । উল্লেখ্য যে, শ্বিলঙৰ পৰা ১২ চকীয়া ট্ৰাকখনেৰে সৰবৰাহ কৰা হৈছিল চোৰাং কাঠ খিনি । জুৰীয়া বজাৰৰ ছফিকুল ইছলাম নামৰ এগৰাকী ব্যৱসায়ীৰ গুদামত কাঠ খিনি ট্ৰাকৰ পৰা নমাবলৈ লওতেই জুৰীয়া আৰক্ষীয়ে অভিযান চলাই জব্দ কৰে কাঠসহ ট্ৰাক খন ।