কলিয়াবৰ, ২২ জুলাই : ৰাজ্যত বৰ্তমানেও সক্ৰিয় হৈ আছে গৰুৰ চোৰাং বেহাখন । সমগ্ৰ ৰাজ্যত চোৰাং গৰুৰ বেহাৰ বাতৰিয়ে শিৰোনাম দখল কৰি থকাৰ সময়তে বুধবাৰে পুৱা চোৰাংভাৱে সৰবৰাহ কৰি নি থকাৰ অৱস্থাতে আৰক্ষীৰ তালাচীত বৃহৎ সংখ্যক গৰু উদ্ধাৰ হোৱা ঘটণাই ইতিমধ্যে চাঞ্চল্যৰ সৃষ্টি কৰিছে ।
বৰ্তমানেও ৰাজ্যত অব্যাহত আছে গৰুৰ চোৰাং বেপাৰখন
কলিয়াবৰৰ উলুৱনী আৰক্ষীৰ জালত পৰা এই চোৰাং সৰবৰাহকাৰী চক্ৰটোৰ ৩০টাকৈ গৰু সৰবৰাকাৰীক আটক কৰা হৈছে। অসমৰ বিভিন্ন স্থানৰ পৰা চোৰাংভাৱে ১৩ খনকৈ বাহনত সৰবৰাহ কৰা হৈছিল এই গৰুখিনি । উলুৱনী আৰক্ষীৰ তালাচীত উদ্ধাৰ হোৱা এই ৭৮ গৰুৰ ভিতৰত ৬৯ টা মতা,৭ জনী মাইকী আৰু ২টা পোৱালি গৰু আছিল ।