নগাওঁ,12 ডিচেম্বৰঃ কেবৰ বিৰুদ্ধে নগাঁৱত বৃহস্পতিবাৰে ওলাই আহে লক্ষাধিক প্ৰতিবাদকাৰী ৷ প্ৰতিবাদকাৰীসকলে কঁপাই তোলে নগাঁও নেহেৰুবালিৰ বাকৰি ৷ শিল্পী, সাহিত্যিক, লেখক, সাংবাদিক, ছাত্ৰ আৰু কৰ্মচাৰী সমন্বিতে সকলো জনসাধাৰণ ওলাই আহে চৰকাৰৰ হঠকাৰী সিদ্ধান্তৰ বাহিৰে ৷ লোকে লোকৰণ্য হৈ পৰে কলঙৰ বাকৰি ৷ বিগত কিছুদিনৰ পৰা চলা অসমবাসীৰ ধাৰাবাহিক আন্দোলন, প্ৰতিবাদক ভেঙুচালি কৰি বুধবাৰে ৰাজ্যসভাত জাতিধ্বংসী নাগৰিকত্ব সংশোধনী বিধেয়ক গৃহীত কৰাৰ পিছত দুগুণ উত্তেজিত হৈ পৰিছে জনসাধাৰণ ৷
কেবৰ বিৰুদ্ধে নগাঁৱৰ নেহেৰুবালিত সমৱেত শতাধিক জনতা নগাঁৱৰ স্থানীয় শিল্পী, সাহিত্যিক, লেখক তথা সাংবাদিকৰ আহ্বান স্বৰূপে ওলাই আহে প্ৰতিজন অসমীয়া । নগাঁৱৰ নেহেৰুবালিত পুৱাৰ ভাগত লক্ষাধিক জনতা সমৱেত হোৱা পৰিলক্ষিত হয় ৷ এই প্ৰতিবাদী কাৰ্যসূচীত অংশগ্ৰহণ কৰে নগাওঁ ছাত্ৰ সন্থা, জাতীয়তাবাদী যুৱ ছাত্ৰ পৰিষদৰ লগতে বিভিন্ন দল-সংগঠনে ৷ প্ৰতিবাদী দলটোৱে চৰকাৰৰ বিৰুদ্ধে বিভিন্ন শ্ল’গানেৰে উত্তাল কৰি তোলে আকাশ-বতাহ । কাৰ্যসূচীটোৰ অন্তত দলটোৱে অনুষ্ঠিত কৰে এক প্ৰতিবাদী সভাৰ । চৰকাৰে বলপূৰ্বক কেব জাপি দিলেওঁ অসমীয়াই কোনো কাৰণতে ইয়াক গ্ৰহণ নকৰে বুলি হুংকাৰ দিয়ে প্ৰতিবাদী দলটোৱে ৷ প্ৰতিবাদৰ অন্তত সমবেত লক্ষাধিক লোকে জাতীয় সংগীত ‘অ’ মোৰ আপোনাৰ দেশ’ পৰিৱেশন কৰে । শিল্পী কৃষ্ণমণি নাথে কেব বিৰোধী গীত সৃষ্টি কৰি উক্ত প্ৰতিবাদী কাৰ্যসূচীত পৰিৱেশন কৰে ৷
পৰিৱেশন কৰিলে অ’ মোৰ আপোনাৰ দেশ লগতে চাওকঃবিজেপিৰ পৰা পদত্যাগ যতীন বৰাৰ
