নগাঁও,3 ডিচেম্বৰ : নগাঁৱত অব্যাহত আছে চিলনী চোৰৰ উপদ্ৰৱ ৷ বুধবাৰে দিন দুপৰতে এজন ব্যৱসায়ীৰ পৰা চিলনী চোৰে লুটি নিলে 2 লাখ 50 হাজাৰ টকা ৷ হয়ৱৰগাঁও আৰক্ষী চকীৰ সমীপত শনিমন্দিৰ পথত ৱাকিল হক নামৰ ব্যৱসায়ীজনৰ ডিঙিৰ পৰা চিলনী চোৰে থপিয়াই নিলে ধনভৰ্তি বেগটো ৷
এখন নম্বৰ প্লেটবিহীন পালচাৰ বাইকত আহিছিল এই দুই চিলনী চোৰ ৷ জানিব পৰা মতে, ব্যৱসায়ীজনে বেংকত জমা থবলৈ নিছিল লুট কৰি নিয়া ধনখিনি ৷ পথৰ এখন ব্যৱসায়ীক প্ৰতিষ্ঠানৰ চিচিটিভি কেমেৰাত বন্দী হয় চুৰিকাণ্ডৰ সমগ্ৰ দৃশ্য ৷