ৰূপহীহাট, 13 এপ্ৰিল :শিক্ষা দানৰ বিপৰীতে মাটি বেদখলত নামি পৰিছে নেকি নগাঁও জিলাৰ ৰূপহীহাটস্থিত জুৰীয়া মেলেকাধিং আব্দুল খালেক মধ্য ইংৰাজী মাদ্ৰাছাৰ প্ৰধান শিক্ষক গৰাকীয়ে ৷ কিয়নো বিদ্যালয়খনৰ প্ৰধান শিক্ষকে বিদ্যালয়খনৰ 2 বিঘা 3 লোচা মাটি দখল কৰাৰ অভিযোগ উত্থাপন হৈছে ৷
জুৰীয়াৰ এগৰাকী প্ৰধান শিক্ষকৰ বিৰুদ্ধে মাটি বেদখলৰ অভিযোগ
একাংশ স্থানীয় লোকে সদৰি কৰা মতে প্ৰধান শিক্ষক গৰাকীয়ে বিদ্যালয়ৰ মাটি বেদখল কৰি পুখুৰী খন্দাৰ লগতে মাকৈ খেতি আৰম্ভ কৰিছে ৷ ইতিমধ্যে এই বিষয়ত বিদ্যালয় পৰিচালনা সমিতি আৰু প্ৰধান শিক্ষক গৰাকীৰ মাজত চলিছে তীব্ৰ বাক বিতণ্ডা ৷ তদুপৰি বিদ্যালয়ৰ পাঠদান কেই বজাৰ পৰা আৰম্ভ তাৰো কোনো নিদিষ্ট সময় নাই বুলি অভিযোগ উত্থাপন কৰিছে স্থানীয় লোকে ৷