কলিয়াবৰত উদ্ধাৰ দুষ্প্ৰাপ্য শেন চৰাই

চলন্ত স্কুটীৰ আগত পৰি আঘাতপ্ৰাপ্ত হয় এটি শেন চৰাই ৷ পক্ষীপ্ৰেমী যুৱকৰ তৎপৰতাত চিকিৎসা প্ৰদান আঘাতপ্ৰাপ্ত চৰাইটোক ৷

কলিয়াবৰ, 18 জুন : পক্ষী কূলৰ পৰা ক্ৰমাৎ বিলুপ্ত হৈ পৰিছে শেন চৰাই। কলিয়াবৰৰ সৰুভোগীয়াত চলন্ত স্কুটীৰ আগত পৰি আঘাতপ্ৰাপ্ত হয় এটি শেন চৰাই ৷ আঘাতপ্ৰাপ্ত চৰাইটোক স্থানীয় সংবাদকৰ্মী প্ৰদীপ লস্কৰ আৰু স্কুটীচালকগৰাকীয়ে পশু চিকিৎসকৰ ওচৰলৈ লৈ যায় ৷ পশু চিকিৎসক ডাঃ সুৰজ প্ৰতীম কাকতিয়ে চিকিৎসা সেৱা আগবঢ়োৱাৰ পিচত ক্ৰমাৎ সুস্থ হৈ উঠিছে শেন চৰাইটো। ৷

চৰাইটো বিপদমুক্ত যদিও চিকিৎসকৰ পৰামৰ্শ মতে এদিন তত্বাৱধানত ৰাখি পুনৰ মুক্ত আকাশৰ তললৈ এৰি দিয়া হ'ব বুলি জানিবলৈ দিছে প্ৰদীপ লস্কৰে। দুয়োগৰাকী প্ৰকৃতিপ্ৰেমীৰ এনে কাৰ্য‍ৰ শলাগ লৈছে কলিয়াবৰীয়া সচেতন মহলে ।

লগতে পঢ়ক :আজমল চুপাৰ 40 ত আসন লাভ দৰিদ্ৰ পৰিয়ালৰ ছাত্ৰ হাবিবুৰ ৰহমানৰ