চামগুৰি,২৭ মে': এইবাৰ বিলাসী বাহন লৈ চোৰ আহিল ছাগলী চুৰ কৰিবলৈ । চেণ্ট্ৰ’ বাহনত অহা ছাগলী চোৰক কিন্তু লগ নিদিলে ভাগ্যই ৷ স্থানীয় ৰাইজৰ ৰোষত পৰিল চোৰ দুটা । নগাঁও জিলাৰ চামগুৰিৰ আমবাগান অঞ্চলৰ পৰা দুটা চোৰে বিলাসী বাহন লৈ আহিছিল ছাগলী চুৰ কৰিবলৈ । পাচত উক্ত অঞ্চলৰ শিৱস্থানৰ অন্তৰ্গত শিয়ালেখাইটিত স্থানীয় ৰাইজৰ সহযোগত চামগুৰি থানাৰ এটি অভিযানকাৰী দলে চোৰ দুটাক আটক কৰে ।
চামগুৰি আৰক্ষীৰ জালত চেণ্ট্ৰ’ত অহা হাই প্ৰফাইল ছাগলী চোৰ - চামগুৰিৰ আমবাগন অঞ্চলৰ ছাগলী চোৰ
এ এছ ০২ এ ৩৬৬৪ নম্বৰৰ এখন চেণ্ট্ৰ’ত ছাগলী চোৰ কৰিবলৈ অহা দুটা চোৰক আটক চামগুৰি আৰক্ষীৰ ।
চামগুৰি আৰক্ষীৰ জালত চেন্ট্ৰো লৈ অহা হাই লেভেলৰ ছাগলী চোৰ
আটকাধীন চোৰ দুটা ক্ৰমে খলিহামাৰী নিবাসী আব্দুল চালামৰ পুত্ৰ নিজামুদ্দিন(১৯) আৰু ইনুচ আলীৰ পুত্ৰ ৰহমত আলী (২২) ৷ ইতিমধ্যে ক্ষুব্ধ স্থানীয় ৰাইজে এ এছ ০২এ৩৬৬৪ নম্বৰৰ চেণ্ট্ৰ’ বাহনখন ভাঙি বিস্তৰ ক্ষতিসাধন কৰে ।
লগতে পঢ়ক: ডিব্ৰুগড় উপায়ুক্ত কাৰ্যালয়ত স্থাপন বিশেষ টেলিফোনিক সহায়ক কেন্দ্ৰ