কলিয়াবৰ, 1 জুন: নগাঁৱৰ কলিয়াবৰত অবৈধ নিচাযুক্ত বেহাৰ বিৰুদ্ধে তৎপৰ হৈ পৰিছে জখলাবন্ধা আৰক্ষী ৷ বিগত সময়চোৱাত কলিয়াবৰৰ বিভিন্ন স্থানৰ পৰা ড্ৰাগছ, অবৈধ বিলাতী সুৰা জব্দ কৰাৰ লগতে এই ব্যৱসায়ত জড়িত কেইবাজনো অপৰাধী আৰু জুৱাৰীক আটক কৰা হৈছে ৷
জখলাবন্ধা আৰক্ষীৰ জালত দুই গাঞ্জা সৰবৰাহকাৰী
মঙলবাৰেও আৰক্ষীৰ অভিযানত জখলাবন্ধা আৰক্ষী নিৱেশৰ ভাৰপ্ৰাপ্ত আৰক্ষী বিষয়া নিপু কলিতাৰ নেতৃত্বত ঢেকীয়াল গাঁৱৰ দ্বীপেন দাস নামৰ লোকজনৰ বাসগৃহৰ পৰা জব্দ কৰা হয় বৃহৎ পৰিমাণৰ গাঞ্জা ৷ এই সন্দৰ্ভত গাঞ্জা সৰবৰাহকাৰী দ্বীপেন দাসক আটক কৰাৰ লগতে সৰবৰাহকাৰীজনৰ স্বীকাৰোক্তিৰ ভিত্তিত আমবাগান আৰক্ষী চকীৰ অন্তৰ্গত দক্ষিণ ভোমোৰাগুৰিৰ পৰা কৃষ্ণ দাস নামৰ আন এজনক আটক কৰে আৰক্ষীয়ে ৷