কামপুৰ আৰক্ষীৰ অভিযানত গাঞ্জাসহ আটক তিনি সৰবৰাহকাৰী

বুধবাৰে বৃহৎ পৰিমাণৰ গাঞ্জা জব্দৰ লগতে তিনি সৰবৰাহকাৰীক আটক কামপুৰ আৰক্ষীৰ ৷ কাকতি গাঁৱৰ পৰা জব্দ কৰা হয় গাঞ্জাখিনি ৷

বঢ়মপুৰ, 11 নৱেম্বৰ : নগাঁৱত বুধবাৰে কামপুৰ আৰক্ষীয়ে জব্দ কৰে বৃহৎ পৰিমাণৰ গাঞ্জা ৷ লগতে আটক কৰে তিনি সৰবৰাহকাৰীক ৷

কামপুৰ আৰক্ষী চকীৰ ভাৰপ্ৰাপ্ত বিষয়া জীৱন পি মাৰাকৰ নেতৃত্বত চলা অভিযানত কাকতি গাঁৱৰ পৰা 42 কেজি গাঞ্জা জব্দ কৰিবলৈ সক্ষম হয় আৰক্ষীয়ে । এখন সামগ্ৰী কঢ়িওৱা বলেৰ’ মেক্স পিক আপ ট্ৰাকত ইটা আৰু ঘৰৰ সমগ্রী তলত লুকুৱাই নিয়া হৈছিল গাঞ্জাখিনি ।

উল্লেখ্য যে, ডিমাপুৰৰ পৰা নি থকা অৱস্থাত কামপুৰ আৰক্ষীয়ে জব্দ কৰে গাঞ্জাখিনি আৰু আটক কৰে তিনি সৰবৰাহকাৰীক । আটকাধীন লোককেইজন আমিনুল হুছেইন, ৰফিক আলি আৰু আলম বুলি জানিব পৰা গৈছে ৷ ইফালে ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে ৷

লগতে পঢ়ক :ডিব্ৰুগড়ত অত্যাৱশ্যকীয় সামগ্ৰীৰ মূল্য নিৰ্ধাৰণ যোগান বিভাগৰ