নগাঁও, 3 জুন:লক ডাউনৰ বাবে স্তব্ধ হৈ পৰা নগাঁৱৰ এটা ছপাশালত পূৰ্ণগতিত চলিছে গ্ৰন্থ চপোৱাৰ কাম । অসমীয়া সাহিত্য জগতলৈ অনবদ্য অৱদান আগবঢ়োৱা সাহিত্যৰথী লক্ষ্মীনাথ বেজবৰুৱাৰ অন্যতম গ্ৰন্থ কামত কৃতিত্ব লভিবৰ সংকেতৰচনা কৰা হৈছিল ১৯০৩ চনত ৷ গ্ৰন্থখনৰ জৰিয়তে বেজবৰুৱাই অসমীয়াক দিছিল কামত কৃতিত্ব লাভৰ বহুকেইটা সূত্ৰ । ১৯৬৮ চনত বেজবৰুৱাৰ ৰচনাৱলীত এই গ্ৰন্থখন অন্তৰ্ভুক্ত কৰিছিল অসমৰ সম্ভ্ৰান্ত প্ৰকাশন গোষ্ঠী সাহিত্য প্ৰকাশে । গ্ৰন্থখন পুনৰ মুদ্ৰণৰ কাম আৰম্ভ কৰিছে নগাঁৱৰ ক্ৰান্তিকাল প্ৰকাশন গোষ্ঠীয়ে ৷ প্ৰায় ৫০ হাজাৰ গ্ৰন্থ মুদ্ৰণ কৰি ছাত্ৰ-ছাত্ৰীৰ মাজত বিনামূলীয়াকৈ বিতৰণ কৰাৰ সিদ্ধান্ত লৈছে প্ৰকাশন গোষ্ঠীটোৱে ।
50 হাজাৰ বিনামূলীয়া পাঠ্যপুথি বিতৰণৰ সিদ্ধান্ত ক্ৰান্তিকাল প্ৰকাশনৰ