কলিয়াবৰ, ২৬ ফেব্ৰকুৱাৰী: নগাঁৱৰ কলিয়াবৰত ড০ ভৱেন্দ্ৰনাথ শইকীয়া ৰাজহুৱা পুথিভঁৰাল থকা স্থানতে নিৰ্মাণ কৰা হৈছে এটি পুথিভঁৰালৰ নতুন ভৱন । শুক্ৰবাৰে কুঁৱৰীটোলস্থিত এই মহকুমা পথিভঁৰালৰ নতুন ভৱনৰ আধাৰশিলা স্থাপন কৰে মন্ত্ৰী কেশৱ মহন্তই ।
কলিয়াবৰ মহকুমা প্ৰশাসন আৰু কলিয়াবৰ আঞ্চলিক পঞ্চায়তৰ সৌজন্যত কুঁৱৰীটোলত প্ৰতিষ্ঠা কৰা হৈছিল ড০ ভৱেন্দ্ৰনাথ শইকীয়া ৰাজহুৱা পুথিভঁৰাল ।
২০১৯ বৰ্ষত এই পুথিভঁৰালটো মহকুমা পুথিভঁৰাললৈ উন্নীত কৰা হৈছিল । শুক্ৰবাৰে ড০ ভৱেন্দ্ৰনাথ শইকীয়া ৰাজহুৱা পুথিভঁৰালৰ চৌহদতে নতুন ভৱনৰ আধাৰশিলা স্থাপন কৰে ৰাজ্যৰ সাংস্কৃতিক পৰিক্ৰমা (পুথিভঁৰাল, প্ৰত্নতত্ব) বিভাগৰ দায়িত্বত থকা মন্ত্ৰী কেশৱ মহন্তই ।
আধাৰশিলা স্থাপন অনুষ্ঠানত উপস্থিত থাকে পুথিভঁৰাল সেৱা সঞ্চালকালয়, অসমৰ ভাৰপ্ৰাপ্ত সঞ্চালক ৰুমী গোস্বামী, কলিয়াবৰৰ ভাৰপ্ৰাপ্ত মহকুমাধিপতি বিতোপন নেওগৰ লগতে কেইবাগৰাকীও বিষয়া ।
লগতে পঢ়ক:'অসম বচাও'ৰ অন্তৰালত অসম ধ্বংসৰ ব্লু প্ৰিন্ট কংগ্ৰেছৰ:দিলীপ শইকীয়া
