নগাঁও, 15 মাৰ্চঃসমগ্ৰ বিশ্বতে ত্ৰাসৰ সৃষ্টি কৰা কৰ'ণা ভাইৰাছক লৈ শেহতীয়াকৈ সতৰ্কামূলক ব্যৱস্থা গ্ৰহণ কৰিছে ৰাজ্য চৰকাৰে। এনে সময়তে নগাঁৱৰ বৰঘাট বাইপাছত দেওবাৰে নিশা চাইকেলেৰে ভ্ৰমণ কৰা তিনি বিদেশী পৰ্যটকক বাধা প্ৰদান কৰে নগাঁও জিলা প্ৰশাসনে । পেৰিছৰ পৰা কাজিৰঙা ভ্ৰমণৰ বাবে অহা তিনি পৰ্যটকক স্বাস্থ্য পৰীক্ষাৰ বাবে আবদ্ধ কৰে জিলা প্ৰশাসনে। কাজিৰঙাৰ পৰা চাইকেল চলাই গুৱাহাটী অভিমুখে গৈ থকা অৱস্থাত বৰঘাট বাইপাছত আবদ্ধ কৰি স্বাস্থ্য পৰীক্ষাৰ ব্যৱস্থা কৰে নগাঁও জিলা প্ৰশাসনে। জিলা উপায়ুক্তৰ নিৰ্দেশত স্বাস্থ্য বিভাগৰ এটা দল বৰঘাটত উপস্থিত হৈ নগাঁও ভোগেশ্বৰী ফুকননী অসামৰিক চিকিৎসালয়ত স্বাস্থ্য পৰীক্ষাৰ ব্যৱস্থা কৰে। বিদেশী পৰ্যটক তিনিজন কোনো ৰোগত আক্ৰান্ত নহয় বুলি জানিব পৰা গৈছে ৷
নগাঁৱত স্বাস্থ্য পৰীক্ষাৰ বাবে আবদ্ধ তিনি বিদেশী পৰ্যটক