জুৰীয়াত বিলাতী সুৰা সহ আটক আবকাৰী বিভাগৰ কনিষ্টবল

জুৰীয়াত বিলাতী সুৰাসহ আটক আৱকাৰী বিভাগৰ কনিষ্টবল ৷

নগাঁও, 20 চেপ্টেম্বৰ :নগাঁৱৰ জুৰীয়া চাৰিআলিৰ পৰা জুৰীয়া আৰক্ষীয়ে শুকুৰবাৰে নিয়মীয়া তালাচীত এখন এ এছ 02 চিচি 1578 নম্বৰৰ টেম্পোৰ পৰা ১৫ কাৰ্টন অবৈধ বিলাতী সুৰা জব্দ কৰে ৷ জুৰীয়া আৰক্ষীয়ে ঘটনাৰ লগত জড়িত থকাৰ অভিযোগত আবকাৰী বিভাগত কৰ্মৰত মিলন বৰা নামৰ এজন কনিষ্টবলকো আটক কৰে ৷

মিলন বৰা হোজাই জিলাৰ লংকাত আবকাৰী বিভাগৰ কনিষ্টবল হিচাপে কৰ্মৰত হৈ আছে ৷ মিলন বৰাই তেওঁৰ দগাঁওস্থিত বাসগৃহত এই ব্যৱসায় চলাই থকাৰ অভিযোগ উত্থাপন হৈছে ৷ জুৰীয়া আৰক্ষীয়ে বৰ্তমান ঘটনাৰ সন্দৰ্ভত তদন্ত অব্যাহত ৰাখিছে ।