কঠিয়াতলীত পেট্ৰ'ল পাম্পৰ কৰ্মচাৰীক গুলীয়াই ডকাইতে লুটিলে ধন

বৃহস্পতিবাৰে সন্ধিয়া নগাঁৱৰ কঠীয়াতলীত সংঘটিত হয় গুলীচালনাৰ ঘটনা ৷ কঠিয়াতলীৰ সমীপৰ এঘাৰ মাইলত  তিনিখন বাইকত অহা ছয়জনীয়া দুৰ্বৃত্তৰ এটা দলে পেট্ৰ'ল পাম্পৰ কৰ্মচাৰীক গুলীয়াই লুট কৰি নিলে ধন ৷

নগাঁও,বঢ়মপুৰ, অক্টোবৰ 10 :অপৰাধীৰ ৰম্যভূমিলৈ পৰিণত হৈছে নগাঁও জিলা ৷ বৃহস্পতিবাৰে সন্ধিয়া নগাঁৱৰ কঠীয়াতলীত সংঘটিত হয় গুলীচালনাৰ ঘটনা ৷ কঠিয়াতলীৰ সমীপৰ এঘাৰ মাইলত তিনিখন বাইকত অহা ছয়জনীয়া দুৰ্বৃত্তৰ এটা দলে পেট্ৰ'ল পাম্পৰ কৰ্মচাৰীক গুলীয়াই লুট কৰি নিয়ে ধন ৷

এঘাৰ মাইলৰ এইচ পি পেট্ৰ'ল পাম্পৰ পৰা ওলাই অহাৰ সময়তে মটৰ চাইকেলত অহা ডকাইতৰ দলটোৱে ৰাজকুমাৰ জৈন নামৰ পেট্ৰ'ল পাম্পৰ কৰ্মচাৰীজনলৈ জধে মধে গুলীচালনা কৰে ৷ তাৰ পাচতেই ৰাজকুমাৰৰ পৰা বেংকত জমা দিবলৈ অনা ধনৰ বেগ লৈ উধাও হয় ডকাইতৰ দলটো ৷

আনহাতে, গুৰুতৰভাৱে আহত ৰাজকুমাৰক প্ৰথমে নগাঁৱৰ ভোগেশ্বৰী ফুকননী অসামৰিক চিকিৎসালয়ত ভৰ্তি কৰোৱা হয় যদিও আঘাত গুৰুতৰ হোৱাত তেওঁক গুৱাহাটীলৈ প্ৰেৰণ কৰে ৷ ইতিমধ্যে ঘটনাস্থলীত নগাঁৱৰ আৰক্ষী অধীক্ষক শংকৰ ব্ৰত ৰায় মেধিৰ লগতে আৰক্ষী দল উপস্থিত হৈ আৰম্ভ কৰিছে তদন্ত ৷ এই চাঞ্চল্যকৰ ডকাইতি কাণ্ডই আতংকিত কৰি তুলিছে অঞ্চলবাসীক ৷

লগতে পঢ়ক : চুপাৰী ছিণ্ডিকেট : বাৰ্মিজ চুপাৰীয়ে বজাইছে থলুৱা ব্যৱসায়ীৰ বিপদ ঘণ্টা