নগাঁৱৰ কচুৱা বেলতলাত অগ্নিকাণ্ড

নগাঁৱৰ কচুৱা বেলতলাত সংঘটিত অগ্নিকাণ্ডৰ ফলত ভস্মীভূত এখন সাৰৰ দোকান ৷ কোনো দুৰ্বৃত্তই নিশা অগ্নিসংযোগ কৰাৰ সন্দেহ ব্যৱসায় প্ৰতিষ্ঠানখনত ৷

বঢ়মপুৰ,5 মে'ঃনগাঁৱৰ কচুৱা বেলতলাত অগ্নিকাণ্ড । অগ্নিকাণ্ডৰ ফলত দাউ দাউকৈ জ্বলি উঠিল চাইফুল ইছলাম নামৰ এজন ব্যক্তিৰ ৰাসায়নিক সাৰৰ দোকান ।

তৃতীয় পৰ্যায়ৰ লক্ ডাউনৰ মাজতেই মঙলবাৰে পুৱতি নিশা নগাঁৱৰ কচুৱা বেলতলাত সংঘটিত হয় এই অগ্নিকাণ্ডৰ ঘটনা ৷ কোনো দুৰ্বৃত্ত‌ই নিশা ব্যৱসায়িক প্ৰতিষ্ঠানখনত অগ্নিসংযোগ কৰাৰ সন্দেহ ৷ অগ্নিকাণ্ড সংঘটিত কৰাৰ সন্দেহত ইতিমধ্যে চাৰিজন লোকৰ বিৰুদ্ধে স্থানীয় আৰক্ষী থানাত এজাহাৰ দাখিল কৰিছে দোকানখনৰ স্বত্বাধিকাৰী চাইফুল ইছলামে ৷