নগাঁও, 11 মে' : বুধবাৰে নগাঁও জিলাৰ বটদ্ৰৱাত সংঘটিত হ'ল এটি মৰ্মান্তিক ঘটনা ৷ দৰা কইনাই অতিথি আপ্যায়ন বাবে ৰৈ থকা সময়ত অতিথিৰ সলনি আহিল পিতৃৰ মৃতদেহ (Father dies during son wedding ceremony)।
উল্লেখ্য যে, বটদ্ৰৱাৰ সৰুহিছা গাঁৱৰ নৱজ্যোতি খাটনিয়াৰ নামৰ যুৱকজনৰ বিবাহৰ আয়োজন চলি থকাৰ সময়তে পিতৃ উমা খাটনিয়াৰ উচ্চ ৰক্তচাপ জনিত ৰোগত আক্ৰান্ত হৈ বিবাহ ঘৰতে ঢলি পৰে ৷ ইয়াৰ পিচতে ততাতৈয়াকৈ পৰিয়ালৰ লোকে চিকিৎসাৰ বাবে লোকজনক নগাঁৱলৈ প্ৰেৰণ কৰে যদিও অৱশেষত চিকিৎসকে মৃত বুলি ঘোষণা কৰে ।
মৰ্মান্তিক: পুত্ৰৰ বিবাহৰ ৰভাথলীত পিতৃৰ নিঠৰ দেহ