নগাঁও,21 জুন : সোমবাৰে নগাঁৱৰ পাখিমৰীয়াত সৃষ্টি হয় এক উত্তপ্ত পৰিস্থিতি । এগৰাকী মহিলা প্ৰৱঞ্চকক কেন্দ্ৰ কৰি উত্তেজনাই বিৰাজ কৰে নগাঁৱত ৷ প্ৰাপ্ত তথ্য অনুসৰি, এগৰাকী মহিলাই প্ৰৱঞ্চনাৰে ধন সংগ্ৰহ কৰিছিল সহস্ৰাধিক মহিলাৰ পৰা ।
নগাঁৱৰ ডিমৰুগুৰিৰ আয়েশা বেগম নামৰ এগৰাকী মহিলাই NGO ৰ নামত গঠন কৰিছিল এটা গোট ৷ অভিযোগ অনুসৰি, সেই গোটৰ পৰা প্ৰশিক্ষণ দিয়াৰ নামত আয়েশা বেগমে বহুসংখ্যক গোটৰ পৰা সংগ্ৰহ কৰিছিল বৃহৎ পৰিমাণৰ ধন । আনকি মহিলাগৰাকীয়ে পাঁচখন গাঁৱত বহুকেইটা গোট গঠন কৰিছিল ৷ যি সমূহ গোটত গাঁৱৰ বহু মহিলাই অংশগ্ৰহণ কৰিছিল ৷
কিন্তু NGO ৰ পৰা ধন দিয়াৰ প্ৰলোভনেৰে ধন সংগ্ৰহ কৰা আয়েশা বেগম দীৰ্ঘদিনৰ পৰা সন্ধানহীন হৈ আছিল ।
নগাঁৱত প্ৰৱঞ্চক মহিলাক লৈ উত্তেজনা কিন্তু সোমবাৰে পাখিমৰীয়া গাঁৱত হঠাৎ আয়েশাক প্ৰত্যক্ষ কৰে গাঁৱৰ কিছু মহিলাই ৷ অতৰ্কিতে মহিলাগৰাকীক দেখি ক্ষুব্ধ হৈ পৰে গাঁৱৰ মহিলাসকল ৷ তাৰ পাচত ক্ষুব্ধ ৰাইজে আটক কৰে মহিলাগৰাকীক ৷ যাৰ ফলত অঞ্চলটোত বিৰাজ কৰে তীব্ৰ চাঞ্চল্যই ৷
পৰৱৰ্তী সময়ত ঘটনাস্থলীত উপস্থিত হয় নগাঁও আৰক্ষীৰ এটা দল ৷ ঘটনাস্থলীৰ পৰা আৰক্ষীৰ দলটোৱে আটক কৰে আয়েশা বেগমক ৷ উল্লেখ্য যে, নগাঁও আৰক্ষীৰ উচ্চ পদস্থ বিষয়া উপস্থিত হৈ প্ৰৱঞ্চক মহিলাগৰাকীক জিম্মাত ল’বলৈ চেষ্টা কৰাত পৰিস্থিতি অধিক উত্তপ্ত হৈ পৰে ।
দীৰ্ঘসময়ৰ অন্তত আৰক্ষীয়ে মহিলাগৰাকীক আটক কৰি লৈ যোৱাৰ সময়ত উত্তেজিত মহিলাই ঘেৰাও কৰে আৰক্ষীৰ বাহন । প্ৰৱঞ্চক মহিলাগৰাকীক ৰাজহুৱা শাস্তিৰ দাবীত স্থানীয় মহিলাসকলে সৃষ্টি কৰে উত্তেজনাৰ । অৱশেষত পৰিস্থিতি নিয়ন্ত্ৰণ কৰি প্ৰৱঞ্চনাৰে ধন সংগ্ৰহ কৰা মহিলাগৰাকীক আটক কৰি থানালৈ লৈ যাবলৈ সক্ষম হয় ।
লগতে পঢ়ক:50 হাজাৰ টকাৰ বাবে স্বামীক ডিঙি ৰেপি হত্যা পত্নীৰ
