পাঁচ বজাৰ 10 টা শীৰ্ষ বাতৰি

পাঁচ বজাৰ 10 টা শীৰ্ষ বাতৰি

আৰক্ষীৰ গুলীয়ে ঘুণীয়া কৰিলে লুইতপৰীয়া ডেকাজনক ৷ আৰক্ষীৰ গুলীয়ে ভাঙিলে এটা সপোন ৷ পৰিয়ালৰ মতে তেওঁ আবেদন কৰিছিল আৰক্ষীৰ চাকৰি বিচাৰি কিন্ত, এতিয়া পাইছে আৰক্ষীৰ বন্দুকৰ গুলী (Student Leader Shot by Police in Nagaon) ৷

প্ৰথমবাৰৰ বাবে অসম আৰু অৰুণাচল প্ৰদেশৰ মুখ্যমন্ত্ৰীয়ে দুয়োখন ৰাজ্যৰ মাজত চলি থকা সীমা সমস্যাৰ বাবে এখন দ্বিপাক্ষিক বৈঠকত মিলিত হ’ব (Assam Arunachal CM to discuss border dispute) । এক উচ্চস্তৰীয় সূত্ৰত জানিব পৰা মতে অসমৰ মুখ্যমন্ত্ৰী ড৹ হিমন্ত বিশ্ব শৰ্মা(Assam CM Himanta Bishwa Sarma) আৰু অৰুণাচল প্ৰদেশৰ মুখ্যমন্ত্ৰী পেমা খাণ্ডুৰ (Arunachal CM Pema Khandu)সৈতে সোমবাৰে নিশা তেজপুৰত দুয়োখন ৰাজ্যৰ সীমা সমস্যাৰ ওপৰত আলোচনাৰ বাবে মিলিত হ’ব ।

কাজিৰঙা ৰাষ্ট্ৰীয় উদ্যানত গঁড় হত্যাৰ ৰোধ কৰিবলৈ ব্যৱহাৰ হ’ব কমাণ্ডো বাহিনী ( Commando force to protect rhinos of Kaziranga) । ১৯ জানুৱাৰীৰ নিশা ৰাষ্ট্ৰীয় উদ্যানখনত চোৰাং চিকাৰীয়ে গুলীবিদ্ধ কৰি খড়্গ লৈ গৈছিল এজনী মাইকী গঁড়ৰ ।

অসমত ভুৱা এনকাউণ্টাৰ চলি থকাৰ অভিযোগ তুলিলে ৰাইজৰ দলে (Encounter in Assam) ৷ এনকাউণ্টাৰৰাজ বন্ধ কৰাৰ দাবী উত্থাপন কৰিছে ৰাজনৈতিক দলটোৰ সভাপতি ভাস্কো দি শইকীয়াই ৷ আৰক্ষীৰ গুলীত আহত হোৱা নগাঁৱৰ কীৰ্তিকমল বৰাৰ বাসগৃহত উপস্থিত হৈ প্ৰতিক্ৰিয়া প্ৰকাশ কৰে দলটোৰ নেতৃত্বই ৷

মঙলবাৰে ৰাষ্ট্ৰীয় ভোটাৰ দিৱস উপলক্ষে মাছখোৱাৰ আই আই টি সভাগৃহত আয়োজিত বিশেষ অনুষ্ঠানত ৰাজ্যপাল জগদীশ মুখীয়ে চাৰি বিষয়ালৈ নিৰ্বাচন আয়োগৰ শ্রেষ্ঠ জিলা নির্বাচনী বিষয়াৰ বঁটা প্ৰদান কৰিব (Best electoral award) ৷

মামাৰ পৰা অসমৰ অসমীয়া নিবনুৱাই চাকৰি আশা কৰিছিল, কিন্তু চাকৰিৰ নামত এতিয়া পাইছে বন্দুকৰ গুলী ৷ এই মন্তব্য কৰিলে অসম প্ৰদেশ কংগ্ৰেছৰ সভাপতি ভূপেন বৰাই ৷ নগাঁৱৰ গুলীবিদ্ধ ছাত্ৰ নেতাৰ ঘৰত উপস্থিত হৈ অসম প্ৰদেশ কংগ্ৰেছৰ সভাপতি ভূপেন বৰাই চোকা সমালোচনা কৰিলে মুখ্যমন্ত্ৰী ড৹ হিমন্ত বিশ্ব শৰ্মাক (Bhupen Borah condemns Nagaon police encounter incident) ৷

ছাত্ৰ নেতাক গুলিয়াই আহত কৰা ঘটনাক লৈ সৰৱ অখিল গগৈ (Akhil Gogoi condemns Nagaon shooting ) ৷ হিমন্ত বিশ্ব শৰ্মা চৰকাৰৰ দিনত গণতন্ত্ৰ পুলিচতন্ত্ৰলৈ পৰ্যবসিত হোৱাৰ দাবী অখিল গগৈৰ ৷

দেওবাৰে মুখ্যমন্ত্ৰী ড৹ হিমন্তবিশ্ব শৰ্মাই ইংগিত দিলে ১ ফেব্ৰুৱাৰীৰ পৰা সামান্য পৰিমাণে শিথিল হব বৰ্তমানে ৰাজ্যত বাহাল থকা ক'ভিড বিধি নিয়ম (Relaxation of COVID rules in Assam) । সান্ধ্য আইন চলিব নিশা ১১ বজাৰ পৰাহে ।

দেওবাৰে মুখ্যমন্ত্ৰী ড৹ হিমন্ত বিশ্ব শৰ্মা (Assam CM Himanta Biswa Sarma) ই সকলো জিলাৰ জিলা প্ৰাথমিক শিক্ষা বিষয়া আৰু বিদ্যালয় পৰিদৰ্শকসকলৰ সৈতে শিক্ষা বিভাগৰ বিভিন্ন বিষয়ৰ সন্দৰ্ভত পৰ্যালোচনা কৰে (CM review meeting on Education Department) ।

ডিব্ৰুগড় আৰক্ষীয়ে আটক কৰিলে ডিব্ৰুগড় চক্ৰ বিষয়া কাৰ্যালয়ৰ দুৰ্নীতিগ্ৰস্ত লাট মণ্ডল বিভূতি ভূষণ কৰ্মকাৰক (Lat Mandal linked to land broker arrested in Dibrugarh) ৷ ঘটনা সন্দৰ্ভত সম্প্ৰতি আৰক্ষীয়ে তদন্ত অব্যাহত ৰাখিছে ।